احتیاطی تدابیر کے باعث ہلاکتوں میں کمی، 24 گھنٹے میں 31 اموات، 1587 افراد متاثر

اسلام آباد: (ویب ڈیسک) ملک بھر میں حفاظتی تدابیر کے باعث ہلاکتوں میں کمی آنے لگی، 24 گھنٹے میں 31اموات ہوئیں۔ متاثرہ مریضوں کی تعداد 2 لاکھ 62 ہزار سے زائد ہو گئی جبکہ 2 لاکھ 5 ہزار 929 مریض صحت یاب ہو کر گھروں کو جا چکے ہیں۔

نیشنل کمانڈ اینڈ آپریشن سینٹر کے تازہ اعدادوشمار کے مطابق ملک میں اب تک 5 ہزار 599 اموات ہو چکیں، ایک ہزار پانچ سو ستاسی نئے مریض سامنے آئے جس کے بعد ایکٹو کیسز کی مجموعی تعداد 53 ہزار 555 ہو گئی۔ مریضوں کی تعداد 2 لاکھ 61 ہزار 917 تک جا پہنچی۔

این سی او سی کے مطابق کورونا کےایک ہزار 604 مریضوں کی حالت تشویشناک ہے تاہم 2 لاکھ 5 ہزار 929 مریض صحت یاب ہو کر گھروں کو جا چکے ہیں۔ نیشنل کمانڈ اینڈ آپریشن سینٹر کے مطابق پنجاب میں 89 ہزار 665، سندھ میں ایک لاکھ 11 ہزار 238، خیبرپختونخوا 31 ہزار 669، بلوچستان میں 11 ہزار 405، اسلام آباد 14 ہزار 504، گلگت بلتستان میں ایک ہزار 796 کیسز سامنے آئے، آزاد کشمیر میں کورونا مریضوں کی تعداد ایک ہزار 840 ہو گئی۔

این سی او سی کے مطابق 24 گھنٹےمیں 23 ہزار 11 جبکہ ملک بھرمیں 16 لاکھ 99 ہزار 101 کوروناٹیسٹ کیے جا چکے ہیں۔

Editor

Next Post

4 ماہ کے وقفے کے بعد ملک میں 5 روزہ انسداد پولیو مہم کا آغاز

پیر جولائی 20 , 2020
اسلام آباد :(ویب ڈیسک) 4 ماہ کے وقفے کے بعد ملک میں انسداد پولیو مہم کا آغاز ہوگیا ، کراچی، کوئٹہ، فیصل آباد، اٹک اور جنوبی وزیرستان میں انسداد پولیومہم جاری ہے، مہم میں 8 لاکھ بچوں کو پولیو سے بچاؤ کے قطرے پلائے جائیں گے۔ تفصیلات کے مطابق کورونا […]