افغانستان میں فوجی چیک پوسٹ پر خودکش حملہ، 14اہلکار ہلاک،متعدد زخمی

افغانستان میں فوجی چیک پوسٹ پر خودکش حملہ، 14اہلکار ہلاک،متعدد زخمی

طالبان نے حملے کی ذمہ داری قبول کرلی

کابل(ویب  نیوز) افغانستان کے صوبے ننگرہار میں فوجی چیک پوسٹ پر خود کش بمبار نے بارود سے بھری کار ٹکرا دی جس کے نتیجے میں 14اہلکار ہلاک اور متعدد زخمی ہوگئے۔افغان میڈیا کے مطابق ننگرہار کے ضلع  شیرزاد میں فوجی چیک پوسٹ پر تیز رفتار کار آکر ٹکرا گئی جس سے زوردار دھماکا ہوا اور چیک پوسٹ مکمل طور پر تباہ ہوگئی۔ننگر ہار کی صوبائی کونسل کے ڈپٹی ہیڈ عبید اللہ شنواری نے میڈیا کو بتایا کہ خود کش کار بم دھماکے میں 14 اہلکار ہلاک ہوگئے۔ یہ اہلکار سول آرڈر فورس سے تعلق رکھتے تھے جو افغان آرمی کے ماتحت ہے۔دوسری جانب مقامی طالبان کمانڈر نے ننگرہار فوجی چیک پوسٹ پر خودکش کار بمبار حملے کی ذمہ داری قبول کرتے ہوئے مطالبہ کیا ہے کہ امریکی اور افغان فوج شہریوں پر بمباری بند کریں۔واضح رہے کہ گزشتہ روز ترجمان طالبان نے اپنے بیان میں کہا تھا کہ امریکا امن معاہدے کی خلاف ورزی کرتے ہوئے شہریوں پر بمباری کر رہا ہے جب کہ اس سے قبل پینٹاگون نے طالبان پر تشدد میں کمی نہ لا کر معاہدے کی خلاف ورزی کا الزام عائد کیا تھا

Editor

Next Post

بھارت میں کسانوں کی بھوک ہڑتال ...دلی کے مضافات میں انٹرنیٹ سروس بند

ہفتہ جنوری 30 , 2021
بھارت میں کسانوں کی بھوک ہڑتال .. دلی کے مضافات میں انٹرنیٹ سروس بند سینکڑوں کی تعداد میں ٹریکٹروں پر سوار مظاہرین یہاں پہنچ رہے تھے نئی دہلی(ویب  نیوز) بھارت میں مودی حکومت کے زرعی قوانین کے خلاف سراپا احتجاج کسانوں نے بھوک ہڑتال شروع کردی، جبکہ حکومت نے دلی […]