برطانیہ میں کورونا کی نئی لہر، ریکارڈ 21 ہزار 331 کیسز سامنے آ گئے، 241 افراد ہلاک

لندن (ویب ڈیسک)

برطانیہ میں کورونا وائرس کی نئی لہر جاری ہے، ریکارڈ 21 ہزار 331 کیسز سامنے آئے جبکہ 241 افراد جان سے ہاتھ دھو بیٹھے ہیں۔

برطانیہ میں کورونا وائرس کے مریضوں کی مجموعی تعداد 7 لاکھ 62 ہزار سے تجاوز کر گئی۔ برطانیہ میں مہلک وائرس سے مرنے والوں کی تعداد 43 ہزار 967 ہو چکی ہے۔

وزارت صحت کے مطابق کئی علاقوں میں پابندیاں مزید سخت کر دی گئی ہیں، وزیرِ صحت میٹ ہینکوک کا کہنا ہے کاروبار اور ملازمین کے لیے رکھے گئے 60 ملین پاؤنڈ کے پیکج پر مزید بات ہو سکتی ہے، مقامی لیڈر 65 ملین کا فنڈ چاہتے ہیں۔

دوسری جانب کورونا کے سبب یورپ کی معیشت کو مشکل صورتحال سے دوچار ہونے کا خدشہ دوبارہ سر اٹھا رہا ہے، فرانس نے کورونا کا پھیلاو روکنے کیلئے رات کا کرفیو نافذ کر رکھا ہے۔ دیگر یورپی ممالک نے بھی وبا سے نمٹنے کیلئے سخت اقدامات اٹھائے ہیں۔

Editor

Next Post

ریڈیو پاکستان کے برطرف ملازمین کا سپریم کورٹ کے باہر احتجاج

بدھ اکتوبر 21 , 2020
اسلام آباد (ویب ڈیسک) ریڈیو پاکستان کے برطرف ملازمین نے اسلام آباد میں سپریم کورٹ آف پاکستان کے باہر احتجاج کیا۔ اس موقع پر ملازمین کا کہنا تھا کہ ریڈیو پاکستان کا سالانہ بجٹ 7 ارب روپے ہے، لیکن بجٹ کا بہانہ کر کے ہمیں نکالا گیا۔ احتجاجی ملازمین کے […]