بھارت میں مسافر بردار طیارے کو خوفناک حادثہ، پائلٹ سمیت 22 افراد ہلاک

نئی دہلی

بھارت میں دبئی سے آنے والا انڈیا ایکسپریس کا مسافر بردار طیارہ لینڈنگ کے دوران حادثے کا شکار ہوکر دو ٹکڑے ہوگیا۔

بھارتی میڈیا کے مطابق ریاست کیرالہ کے شہر کوژیکوڈ کے ایئرپورٹ پر دبئی سے 191 مسافروں کو لانے والی انڈیا ایکسپریس کی پرواز لینڈنگ کے دوران رن وے پر پھسلتے ہوئے حادثے کا شکار ہوگئی۔ حادثہ اتنا خوفناک تھا کہ طیارے کے دو ٹکڑے ہوگئے۔

طیارے میں 174 مسافر، 10 بچے، 2 پائلٹس اور طیارے کا پانچ رکنی عملہ سوار تھا۔ حادثے کی نوعیت اور تباہ طیارے کو دیکھ کر بڑے پیمانے پر ہلاکتوں کا خدشہ ظاہر کیا جا رہا ہے۔

بھارت کی ریاست کیرالہ کے کالی کٹ ایئرپورٹ پر بھارتی مسافر طیارہ کریش لینڈنگ کرتے ہوئے رن وے سے پھسل کر آبادی میں جا گھسا، جس سے پائلٹ سمیت 22افراد ہلاک اور سو سے زائد زخمی ہوگئے ہیں۔

ایمبولینس اور ریسکیو ادارے کے اہلکاروں نے امدادی کاموں کا آغاز کردیا جب کہ دیگر پروازیں معطل کردی گئیں۔ حادثے کی وجہ کا تاحال تعین نہیں کیا جا سکا۔  فیڈرل ایوی ایشن نے واقعے کی تحقیقات کے لیے انکوائری کمیٹی کا اعلان کردیا۔ وزیراعلیٰ نے ہلاک ہونے والوں کے لواحقین کے لیے فی کس 5 لاکھ روپے امدادی رقم کا اعلان کیا ہے۔

دریں اثنا وزیراعظم پاکستان عمران خان نے طیارہ حادثے پر افسوس کا اظہار کیا ہے۔ اپنے ٹویٹ میں وزیراعظم نے کہا کہ معصوم جانوں کے ضیاع پر غم زدہ ہوں، اللہ تعالیٰ متاثرین کو صدمہ برداشت کرنے کی سکت عطا کرے۔

Editor

Next Post

کورونا وائرس 'پاکستان  بھر میں مزید14 افراد جاں بحق ، اموات 6068ہو گئیں

ہفتہ اگست 8 , 2020
کورونا وائرس ‘پاکستان  بھر میں مزید14 افراد جاں بحق ، اموات 6068ہو گئیں 842نئے کیسز رپورٹ ہونے کے بعد تصدیق شدہ کیسز کی تعداد 283487 ہوگئی 2لاکھ 59 ہزار 604 مریض صحتیاب ہوچکے جبکہ 801 مریضوں کی حالت تشویشناک ہے پنجاب 94223،سندھ 123246،خیبرپختونخوا34539،بلوچستان 11835،اسلام آباد میں 15214کیسز ہو گئے اسلام […]