جعلی بینک اکاونٹس کیس.. ریاض ملک کے داماد زین ملک نے 9ارب روپے سے زائد کی پلی بارگین کرلی

جعلی بینک اکاونٹس کیس: زین ملک نے نیب سے 9ارب روپے سے زائد کی پلی بارگین کرلی

نیب نے زین ملک کی پلی بارگین رپورٹ احتساب عدالت اسلام آباد میں جمع کرادی

اسلام آباد(صباح نیوز) جعلی بینک اکاونٹس کیسز کا سامنا کرنے والے  ریاض ملک کے داماد   زین ملک نے 6 کیسز میں 9ارب روپے سے زائد کی پلی بارگین کرلی۔قومی احتساب بیورو (نیب)نے زین ملک کی پلی بارگین رپورٹ احتساب عدالت اسلام آباد میں جمع کرادی۔نیب کی جانب سے احتساب عدالت میں جمع کرائی گئی رپورٹ کے مطابق 6 کیسز میں 9 ارب 5کروڑ 5 لاکھ 54 ہزار 34 روپے کی پلی بارگین منظور کرلی گئی ہے۔نیب رپورٹ کے مطابق زین ملک نے ایک ارب روپے نیب کے حوالے کردیے ہیں۔ زین ملک بقیہ 8 ارب روپے 3 سال میں سہ ماہی اقساط میں جمع کرائیں گے۔نیب رپورٹ کے مطابق زین ملک نے میگا منی لانڈرنگ ریفرنس، پنک زیزیڈنسی ریفرنس میں پلی بارگین کی۔ نیب نے زین ملک کی نہر خیام میں الاٹمنٹ کے ریفرنس میں بھی پلی بارگین بھی منظور کرلی۔نیب رپورٹ کے مطابق اے ون انٹرنیشنل اکاونٹ پر نیب تحقیقات میں بھی پلی بارگین منظور کرلی گئی۔ اوپل جوائنٹ وینچر پر نیب تحقیقات میں بھی پلی بارگین منظور کرلی گئی۔نیب رپورٹ کے مطابق 8ارب روپے کی مبینہ ٹرانزیکشن پر جاری نیب تحقیقات میں بھی پلی بارگین منظور کرلی گئی۔خیال رہے کہ مارچ میں قومی احتساب بیورو کی جانب سے احتساب عدالت کو بتایا گیا تھا کہ زین ملک کے ساتھ پلی بارگین کا عمل شروع ہوچکا ہیاور مختلف کیسز میں واجبات کی ادائیگی کا طریقہ کار طے کر لیا گیا ہے۔وکیل نیب نے عدالت کو بتایا تھا کہ زین ملک کی جانب سے پلی بارگین کی درخواست دی گئی ہے جس پر مختلف کیسز میں واجبات کی ادائیگی کا طریقہ کار طے کر لیا گیا ہے اور نیب ہیڈ کوارٹر جلد پراسس شروع کر دے گا۔

#/S

Editor

Next Post

میٹرو پاکستان کا اخوت فاؤنڈیشن کے ساتھ مددگار پروگرام کا آغاز

بدھ جولائی 29 , 2020
لاہور،(اسٹاف رپورٹر) میٹرو پاکستان اخوت فاؤنڈیشن کے ساتھ اشتراک میں ایک معاونتی پروگرام”مددگار“ متعارف کرائیگا۔مددگار ان محنتی افراد کی مالی و اخلاقی مدد کی ایک کوشش ہوگی جن کے کاروبار کورونا وائرس کی حالیہ وباء کے دوران تباہ ہوگئے ہیں،یا وہ اپنی ملازمتوں سے ہاتھ دھو بیٹھے ہیں یا پھر […]