جماعت اسلامی، اے این پی کا خیبر پختونخوا سے سینیٹ انتخابات کیلئے امیدواروں کا اعلان

جماعت اسلامی، اے این پی کا خیبر پختونخوا سے سینیٹ انتخابات کیلئے امیدواروں کا اعلان

جماعت اسلامی نے جنرل نشست پر مولانا ڈاکٹر عطا الرحمن، ٹیکنوکریٹ پر ڈاکٹر محمد اقبال خلیل کو نامزد کیا

خواتین کی مخصوص نشست پر عنایت بیگم ، اقلیتوں کی نشست پر جاوید گل جماعت اسلامی کے امیدوار ہونگے

اے این پی نے جنرل نشست پر حاجی ہدایت اللہ خان ، ٹیکنوکریٹ پر ڈاکٹر شوکت جمال امیر زادہ کو نامزد کیا

خواتین کی نشست پر ڈاکٹر تسلیم بیگم اور اقلیتی نشست پر آصف بھٹی عوامی نیشنل پارٹی کے امیدوار ہوں گے

اسلام آباد/پشاور(ویب  نیوز)جماعت اسلامی پاکستان اورعوامی نیشنل پارٹی نے خیبر پختونخوا سے سینیٹ انتخابات کے لیے امیدواروں کے ناموں کا اعلان کر دیا ۔جماعت اسلامی نے سینیٹ انتخابات کے لیے جنرل نشست پر سابق رکن قومی اسمبلی مولانا ڈاکٹر عطا الرحمن جبکہ ٹیکنوکریٹ کی نشست پر سابق ضلع نائب ناظم پشاور ڈاکٹر محمد اقبال خلیل کو نامزد کیا ہے۔خواتین کی مخصوص نشست پر جماعت اسلامی نے سابق رکن قومی اسمبلی عنایت بیگم کو نامزد کیا ہے جبکہ اقلیتوں کی نشست پر جاوید گل کو نامزد کیا گیا ہے۔اس طرح عوامی نیشنل پارٹی (اے این پی) نے خیبر پختونخوا سے سینیٹ انتخابات کے لیے امیدواروں کا اعلان کردیا۔اے این پی کے صوبائی پارلیمانی بورڈ کے مطابق جنرل نشست پر حاجی ہدایت اللہ خان امیدوار ہوں گے ، ٹیکنوکریٹ کی نشست پر ڈاکٹر شوکت جمال امیر زادہ ہونگے۔اس کے علاوہ خواتین کی نشست پر ڈاکٹر تسلیم بیگم اور اقلیتی نشست پر آصف بھٹی عوامی نیشنل پارٹی کے امیدوار ہوں گے۔صوبائی پارلیمانی بورڈ کے چیئرمین ایمل ولی خان نے تمام ناموں کی منظوری دے دی۔

Editor

Next Post

اسلام آبادہائی کورٹ حملہ کی تحقیقات کیلئے جے آئی ٹی بنا نے کا فیصلہ

ہفتہ فروری 13 , 2021
اسلام آبادہائی کورٹ حملہ کی تحقیقات کیلئے جے آئی ٹی بنا نے کا فیصلہ اسلام آباد پولیس نے ہائی کورٹ واقعے پر جے آئی ٹی بنانے کی تجویز دی جسے عدالت نے منظور کرلیا سینئر افسر کی سربراہی میں جے آئی ٹی بنائی جائے، پیش رفت رپورٹ کل ( پیر) […]