جنوبی وزیرستان میں دہشت گردوں کا چیک پوسٹ پرحملہ،2 اہلکار شہید اورایک زخمی

راولپنڈی (ویب ڈیسک)

جنوبی وزیرستان میں چیک پوسٹ پر دہشت گردوں کے حملے کے نتیجے میں 2 اہلکار شہید اور ایک جوان زخمی ہوگیا۔

پاک فوج کے شعبہ تعلقات عامہ (آئی ایس پی آر) کے مطابق جنوبی وزیرستان میں دہشت گردوں کے چیک پوسٹ پر حملے کے نتیجے میں 2 سیکیورٹی اہلکار شہید اور ایک فوجی جوان زخمی ہوگیا، دہشت گردوں نے پاش زیارت کے قریب فورسز کی چیک پوسٹ پر فائر کھول دیا جس کے باعث 32 سالہ حوالدار مطلوب احمد اور 25 سالہ سپاہی سلمان شوکت شہید ہوگئے۔

آئی ایس پی آر کے مطابق چیک پوسٹ پر دہشت گردوں کے حملے کے بعد سیکیورٹی فورسز کی جانب سے بھرپور جوابی کارروائی کی گئی جب کہ علاقے میں کلیئرنس آپریشن جاری ہے۔

Editor

Next Post

کورونا سے مزید 34 جاں بحق، تعلیمی ادارے 24 نومبر سے 31 جنوری تک بند کرنیکی تجویز

جمعرات نومبر 19 , 2020
اسلام آباد (ویب ڈیسک) ملک میں کورونا کی دوسری لہر میں شدت آ گئی ہے اور پچھلے 24 گھنٹوں میں مزید 34 افراد جاں بحق ہو گئے ہیں۔ نیشنل کمانڈ اینڈ آپریشن سینٹرکے تازہ اعداد و شمار کے مطابق سندھ میں کورونا کے سب سے زیادہ ایک لاکھ 58 ہزار 559 […]