راولپنڈی: آرمی چیف سے چین کے سفیر کی ملاقات

اسلام آباد (ویب ڈیسک)

آرمی چیف جنرل قمر جاوید باجوہ سے چین کے سفیر نونگ رونگ نے ملاقات کی ہے۔

آئی ایس پی آر کے مطابق جنرل ہیڈ کوارٹر (جی ایچ کیو) راولپنڈی میں آرمی چیف سے چینی سفیر نے ملاقات کی۔

جنرل قمر جاوید باجوہ اور نونگ رونگ کی ملاقات میں باہمی دلچسپی اور دفاعی تعاون پر تبادلہ خیال کیا گیا۔

آئی ایس پی آر کے مطابق ملاقات میں سی پیک سمیت علاقائی سلامتی کی صورتحال پر بھی تبادلہ خیال کیا گیا۔

جنرل قمر جاوید باجوہ نے دوران گفتگو کہا کہ چینی وزیر دفاع کے حالیہ دورہ پاکستان سے آئرن برادرز کے تعلقات مزید مضبوط ہوں گے۔

چین کے سفیر نونگ رونگ نے خطے میں امن و استحکام کے لیے پاکستان کی کوششوں کو سراہا ہے۔

Comments are closed, but trackbacks and pingbacks are open.