روضہ رسول منتقلی کی خبر بے بنیاد ہے سعودی حکومت

ریاض …….سعودی حکومت نے روضہ رسول کومتبادل جگہ پر منتقل کرنے کی برطانوی میڈیا کی خبروں کو بے بنیاد قرار دیتے ہوئے کہاہے کہ ایسی کوئی تجویز زیر غور نہیں ۔العربیہ ڈاٹ نیٹ نے سعودی حکومت کے ایک مصدقہ ذریعے کے حوالے سے اپنی رپورٹ میں بتایا ہے کہ برطانوی اخبارات کی جانب سے نبی اکرم صلی اللہ علیہ وسلم کی قبر مبارک کی متبادل مقام پر منتقلی سے متعلق متنازعہ خبروں کی اشاعت کے بعد معلوم ہوا ہے کہ یہ تجویز روضہ رسول صلی اللہ وسلم اور مسجد نبوی کے توسیعی پروجیکٹ کے حوالے سے تیارکردہ ایک تحقیقی رپورٹ میں دی گئی تھی جس کا حکومت سے کوئی تعلق نہیں ہے۔ سعودی حکومت نے روضہ رسول ؐ کو متبادل مقام پر منتقل کرنے کا کوئی فیصلہ کیا ہے اور نہ ہی ایسی کوئی تجویز زیرغور ہے۔قبررسول کی منتقلی کے حوالے سے میڈیا پرآنے والی اطلاعات بے بنیاد ہیں۔ البتہ دو سال پیشتر جب روضہ رسول اور مسجد نبوی کی توسیع کے حوالے سے منصوبے کا آغاز ہوا تو توسیعی کمیٹی کے ماہرین نے یہ تجویز دی تھی اور ساتھ ہی علماء سے اس پر رائے بھی طلب کی تھی۔ ماہرین کا خیال تھا کہ مسجد نبوی کی شمال کی سمت سے توسیع اور دوسری منزل کی تعمیر سے روضہ رسول متاثر ہوسکتا ہے۔ علماء نے قبر رسول کی منتقلی کی اجازت دی تھی مگرساتھ ہی یہ واضح کردیا تھا کہ قبر مبارک کوکھولا نہیں جائے گا۔خیال رہے کہ حال ہی میں برطانوی اخبارات \’انڈی پنڈنٹ\’ اور \’ڈیلی میل\’ نے ایک جھوٹی اور من گھڑت خبر شائع کی تھی جس میں کہا گیا تھا کہ سعودی حکومت مسجد نبوی کی توسیع کے لیے قبر رسول کواپنی موجودہ جگہ سے ہٹانے کا ارادہ رکھتی ہے۔

Editor

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Next Post

مذاکرات میں ہر لمحہ نئی کامیابیاں مل رہی ہیں اگرچہ مشکلات اور راستے میں سپیڈ بریکر ہیں یاہے، 70فیصد معاملات حل ہو چکے ہیں، امیر جماعت اسلامی پاکستان سراج الحق

جمعرات ستمبر 4 , 2014
 وزراء کے بیانات میں تلخی اب بھی موجود ہے ، ان کا تلخ رویہ ہمارے لیے مشکلات پیدا کرہاہے، نوازشریف کو چاہیے کہ وہ اپنے وزراء کو سخت بیان بازی سے روکیں اور انہیں نرم الفاظ میں اپنی بات کرنی چاہیے امیر جماعت