سعودی عرب: کورونا وائرس کا پھیلا وکو روکنے کے لیے تمام دعوتی سرگرمیاں معطل

سعودی عرب: کورونا وائرس کا پھیلا وکو روکنے کے لیے تمام دعوتی سرگرمیاں معطل

مساجد نماز کے 10 منٹ بعد بند کرنے کا حکم

ریاض (ویب  نیوز)سعودی عرب میں کورونا وائرس کا پھیلا وکو روکنے کے لیے مساجد میں تمام دعوتی سرگرمیاں معطل کر دی گئی اور نمازوں کے دوران مساجد کے اوقات مقرر بھی مقرر کر دیے گئے ہیں۔ایک میڈیا رپورٹ کے مطابق سعودی عرب کے وزیر برائے اسلامی امور ڈاکٹر عبداللطیف آل الشیخ نے کورونا وبا سے نمٹنے کے لیے مساجد میں تمام دعوتی سرگرمیاں معطل کرنے کا اعلان کرتے ہوئے کہا کہ آئندہ سارے دعوتی پروگرام آن لائن چلائے جائیں گے۔ڈاکٹر عبداللطیف آل الشیخ نے نمازوں کے اوقات اور مساجد کھولنے اور بند کرنے کے حوالے سے بھی احکامات جاری کیے۔وزیر اسلامی امور  نے بتایا کہ مساجد اذان کے وقت کھلیں گی، اذان اور تکبیر کے درمیان 10 منٹ سے زیادہ کا وقفہ نہیں ہو گا، البتہ صرف فجر میں نماز اور اذان کے درمیان 20 منٹ تک کا وقفہ رہے گا اور نماز کے 10 منٹ بعد مساجد بند کر دی جائیں گی۔ڈاکٹر عبداللطیف آل الشیخ کا کہنا ہے کہ جمعے کی نماز کے لیے جامع مساجد اذان سے 30 منٹ پہلے کھولی جائیں گی اور نماز کے 15 منٹ بعد بند کر دی جائیں گی۔سعودی وزیر نے کہا کہ تمام مساجد کے منتظمین کورونا وبا سے متعلق سابقہ ہدایات کی پابندی کرائیں اور اس کے ساتھ ساتھ مساجد، وضو خانوں اور طہارت خانوں کی سینٹائزنگ کا کام بھی ہنگامی بنیادوں پر کروائیں

Editor

Next Post

ایودھیا میں بابری مسجد کی جگہ نئی مسجد کی تعمیر ایک اور تنازعے کا شکار ہو گئی

جمعہ فروری 5 , 2021
ایودھیا میں بابری مسجد کی جگہ نئی مسجد کی تعمیر ایک اور تنازعے کا شکار ہو گئی نئی دہلی(ویب  نیوز)بھارت کے شہرایودھیا میں بابری مسجد کی جگہ نئی مسجد کی تعمیر ایک اور تنازعے کا شکار ہو گئی ہے۔ تقسیم کے وقت پاکستان سے آنے والے ایک ہندو خاندان کا […]