صہیونی فوج کے ہاتھوںالعراقیب گائوں 183 ویں بارمسمار

صہیونی فوج کے ہاتھوںالعراقیب گائوں 183 ویں بارمسمار

اسرائیلی فو ج نے بلڈوزر اور دیگر بھاری مشینر ی نے فلسطینیوں سے گرا دئیے ، سامان بھی لوٹ لیا

سیکڑوں فلسطینیوں کو ایک مرتبہ پھر سخت موسم کے باوجود ان کی کچی جھونپڑیوں سے بھی محروم کردیا گیا، عینی شاہدین

جزیرہ نما النقب(ویب  نیوز) گذشتہ سات سال سے اسرائیلی فوج کی دہشت گردی کا تواتر کے ساتھ نشانہ بننے والا العراقیب گائوں ایک بار پھر مرتبہ مسمار کردیا گیا۔ فلسطینی قصبے العراقیب کی مسماری کا سلسلہ جولائی 2010 کے بعد سے جاری ہے اور اب تک اسے 183 بار مسمار کیا جا چکا ہے۔ گذشتہ روز کی انہدامی کارروائی میں صہیونی فوجیوں نے العراقیب گائوں کے باشندوں کے عارضی خیمے بھی اکھاڑ پھینکے اوران کی کرسیاں اور خیموں میں موجود دیگر سامان بھی لوٹ لیا۔ یہ کارروائی ایک ایسے وقت میں کی گئی جب فلسطین میں موسم شدید خراب ہے اور بارشوں کا سلسلہ جاری ہے۔مرکزاطلاعات فلسطین کے مطابق العراقیب گاں کی تازہ مسماری کی کارروائی گذشتہ روز کی گئی۔ عینی شاہدین نے بتایا کہ صہیونی فوج، پولیس اور اسپیشل فورسز کے سیکڑوں اہلکاروں نے بھاری مشینری اور بلڈوزروں کی مدد سے شہریوں کے مکانات کی مسماری شروع کی ور سیکڑوں فلسطینیوں کو ایک مرتبہ پھر سخت موسم کے باوجود ان کی کچی جھونپڑیوں سے بھی محروم کردیا گیا۔ سال 2020 میں اس گائوں کی یہ چوتھی بار مسماری ہے۔شہریوں نے بتایا کہ انہدامی کارروائی سے قبل اسرائیلی فو ج کی کئی گاڑیاں وہاں آ کر رکیں جس کے بعد بلڈوزر اور دیگر بھاری مشینری وہاں لائی گئی اور چند منٹ کے اندر اندر فلسطینیوں کے عارضی شیلٹرز گرا دیے گئے۔

Editor

Next Post

پنجاب کے مختلف شہروں میں دھند ، موٹروے کئی مقامات سے بند

جمعرات فروری 18 , 2021
پنجاب کے مختلف شہروں میں دھند ، موٹروے کئی مقامات سے بند حدنگاہ انتہائی کم ،فضائی آپریشن جزوی معطل ، ٹریفک روانی متاثررہی لاہور (ویب  نیوز)پنجاب کے مختلف شہروں میں شدیدھند چھائی رہی ، حد نگاہ کم ہونے سے موٹروے کئی مقامات سے بند کر دی گئی۔ لاہور ایئر پورٹ […]