فیصل واوڈا سینیٹ الیکشن کیلئے اہل قرار

الیکشن ٹربیونل نے قادر خان مندوخیل کی اپیل مسترد کر دی

کراچی  (ویب ڈیسک)

سندھ ہائیکورٹ کے الیکشن ٹربیونل نے پاکستان تحریک انصاف کے رکن فیصل واوڈا کو سینیٹ الیکشن کیلئے اہل قرار دے دیا اور قادر مندوخیل کی اپیل مسترد کردی ۔پیپلز پارٹی کے رہنما قادر مندوخیل کی جانب سے فیصل واوڈا کے کاغذات نامزدگی منظور کرنے کو عدالت میں چیلنج کیا گیا تھا۔ منگل کو سندھ ہائیکورٹ کے الیکشن ٹربیونل میں قادر خان مندوخیل کی جانب سے دائر درخواست میں فیصل واوڈا کو نااہل قرار دینے کی استدعا کرتے ہوئے کہا گیا کہ فیصل واوڈا نے امریکی شہریت سے متعلق حقائق چھپائے۔انہوں نے اپنی درخواست میں موقف اختیار کیا کہ ریٹرننگ افسر کے سامنے اعتراضات دائر کیے مگر انہوں نے سننے سے انکار کر دیا، ریٹرننگ افسر کا اقدام غیر قانونی اور غیرآئینی ہے۔ایڈووکیٹ قادر خان مندوخیل نے کہا کہ فیصل واوڈا حقائق چھپانے پرعوامی عہدے کے لیے نااہل ہیں لہذا ان کے کاغذات نامزدگی مسترد کیے جائیں۔رہنما پیپلز پارٹی نے کہا کہ فیصل واوڈا کو سینیٹ الیکشن کے لیے نااہل قرار دیا جائے۔فیصل واوڈا کے وکیل نے موقف اپنایا کہ ان کے موکل نے امریکی شہریت چھوڑ دی تھی اور کسی سے حقائق نہیں چھپائے۔وکیل نے کہا کہ پی ٹی آئی رہنما کے کاغذات پر اعتراضات خلاف قانون ہے، قادر خان مندوخیل کی اپیل مسترد کی جائے۔درخواست گزار قادر مندوخیل کے وکیل رشید اے رضوی نے دلائل دیتے ہوئے کہا یہ کہنا غلط ہے کہ فیصل واوڈا نے حقائق نہیں چھپائے۔ فیصل واوڈا نے 2018 ء کے انتخابات میں امریکی شہریت کا ذکر نہیں کیا۔الیکشن ٹربیونل نے فریقین کے دلائل سننے کے بعد فیصل واوڈا کو سینیٹ انتخابات کیلئے اہل قرار دیتے ہوئے قادر خان مندوخیل کی اپیل مسترد کر دی ۔

Editor

Next Post

این اے 75کا نتیجہ  ٹھیک نہ ہوا تو دوبارہ انتخاب کرا سکتے ہیں،چیف الیکشن کمشنر ..تحریک انصاف سے ریکارڈ بھی طلب

منگل فروری 23 , 2021
این اے 75کا نتیجہ  ٹھیک نہ ہوا تو دوبارہ انتخاب کرا سکتے ہیں،چیف الیکشن کمشنر الیکشن کمیشن نے آج (بدھ)تک پاکستان تحریک انصاف سے ریکارڈ بھی مانگ لیا تین پولنگ سٹیشنز کے نتائج تاخیر سے واٹس ایپ پر ملے،ریٹرننگ افسر جب نتائج دینے آئے تو پریذائیڈنگ افسران سے پوچھ گچھ […]