قربانی کے جانوروں کی آن لائن خریداری کیلئے موبائل ایپ متعارف

لاہور( ویب ڈیسک ) پنجاب میں قربانی کے جانوروں کی آن لائن خرید و فروخت کے لیے بکرا منڈی آن لائن موبائل ایپ متعارف کروا دی گئی۔

موبائل ایپ حکومت پنجاب اور  کمشنر لاہور کی ہدایت پر پنجاب آئی ٹی بورڈ اور لاہور کیٹل مارکیٹنگ کمپنی نے وضع کی ہے۔ ایپ سے شہری عیدالاضحیٰ کے لیے گھر بیٹھے قربانی کے من پسند جانورخرید سکتے ہیں۔

ایپ کورونا پھیلاؤ میں کمی لانے اور بکرامنڈیوں میں رش کم کرنے کے پیش نظر وضع کی گئی ہے۔ ایپ میں جانوروں کی تصاویر، عمر، وزن، اقسام، نسل، قیمت اور دیگر تفصیلات موجود ہیں۔ ایپ کے باعث شہری کورونا سے محفوظ رہ کر قربانی کے جانور  آن لائن آرڈر کر سکتے ہیں۔ جانوروں کی خرید و فروخت ایپ میں اکاؤنٹ بنا کر کی جا سکتی ہے۔

بکرا منڈی موبائل ایپ کے ذریعے جانور فروخت کرنے کی سہولت بھی دی گئی ہے۔خریدار کے لیے اکاؤنٹ بنانے کے لیے نام اور موبائل جبکہ فروخت کے لیے شناختی کارڈ نمبربھی لکھنا لازمی ہے۔

Editor

Next Post

شور مچا ہے غیر منتخب افراد حکومت چلا رہے ہیں، لاہور ہائی کورٹ

جمعرات جولائی 16 , 2020
لاہور (ویب  ڈیسک ) چیف جسٹس لاہور ہائی کورٹ نے پٹرولیم مصنوعات کی قیمتوں میں اضافے سے متعلق کیس میں ریمارکس دیے ہیں کہ شور مچا ہے غیر منتخب افراد حکومت چلا رہے ہیں۔ چیف جسٹس لاہور ہائی کورٹ جسٹس قاسم خان نے پٹرولیم مصنوعات کی قلت سے متعلق درخواستوں […]