لاہور میں صفائی کی حالت ابتر، ایک بار پھر کوڑے کرکٹ کے ڈھیر لگنا شروع ہوگئے

لاہور (ویب ڈیسک)

شہر میں ہر روز پیدا ہونے والے 5 ہزار سالڈ ویسٹ کی بڑی مقدار اُٹھانے میں مشکلات کا سامنا ہے۔ لاہور ویسٹ مینجمنٹ کمپنی نے متعدد دیگر محکموں سے مدد مانگ لی۔

لاہور میں روزانہ پیدا ہونے والے تقریباً 5 ہزار ٹن سالڈ ویسٹ اُٹھانے کے لیے ایل ڈبلیو ایم سی نے ترکی کی دو کمپنیوں سے سات سالہ معاہدہ کر رکھا تھا جس کی مدت 31 دسمبر کو ختم ہو رہی ہے۔

اِس تناظر میں ترکی کی کمپنیوں نے فیلڈ سے اپنی مشینری نکالنا شروع کر دی ہے، جس کے اثرات سامنے آنا شروع ہو گئے ہیں۔ حالات کے پیش نظر ایل ڈبلیو ایم سی نے ضلعی انتظامیہ، پی ایچ اے، واسا، میٹروپولیٹن کارپوریشن اور ایل ڈی اے سے معاونت طلب کر لی ہے لیکن اِس تمام صورتحال کا خمیازہ ایک بار پھر شہریوں کو بھگتنا پڑ رہا ہے۔

ایل ڈبلیو ایم سی کے ترجمان کے مطابق صفائی کی بہتر صورت حال برقرار رکھنے کے لیے مربوط حکمت عملی مرتب کر لی گئی ہے۔

Editor

Next Post

ملک میں کورونا کے 2362 نئے کیسز، 36 افراد جاں بحق

پیر دسمبر 14 , 2020
اسلام آباد (ویب ڈیسک) پاکستان میں مزید 36 افراد کورونا کا شکار ہوکر جان کی بازی ہار گئے ہیں جب کہ 2362 نئے کیسز بھی رپورٹ ہوئے ہیں۔ این سی او سی کے جاری کردہ اعداد و شمار کے مطابق گزشتہ 24 گھنٹوں کے دوران ملک بھر میں کورونا کے […]