ملک بھر میں 14 ہزار 843 افراد میں کورونا وائرس کی تصدیق،اموات 327  ہو گئیں

اسلام آباد (صباح نیوز)

ملک بھر میں کورونا کے تصدیق شدہ کیسز کی تعداد 14 ہزار 843 تک پہنچ گئی جبکہ  اموات کی تعداد 327 ہوگئی۔نیشنل کمانڈ اینڈ آپریشن سینٹر کے تازہ ترین اعدادوشمار کے مطابق گذشتہ 24 گھنٹوں کے دوران 806 نئے کیسز رپورٹ ہوئے، پنجاب میں سب سے زیادہ 5827، سندھ میں 5291، خیبر پختونخوا میں 2160، بلوچستان میں 915، گلگت بلتستان میں 330، اسلام آباد میں 297 جبکہ آزاد کشمیر میں 65 کیسز رپورٹ ہوئے۔ملک بھر میں اب تک ایک لاکھ 65 ہزار 911 افراد کے ٹیسٹ کئے گئے، گذشتہ 24 گھنٹوں کے دوران 8 ہزار 530 نئے ٹیسٹ کئے گئے، اب تک 3425 مریض صحتیاب ہوچکے ہیں جبکہ 44 مریضوں کی حالت تشویشناک ہے۔پاکستان میں کورونا سے ایک دن میں 26 افراد جاں بحق ہوگئے جس کے بعد وائرس سے مرنے والوں کی تعداد 327 ہوگئی۔ سندھ میں 92، پنجاب میں 100، خیبر پختونخوا میں 114، گلگت بلتستان میں 3، بلوچستان میں 14 اور اسلام آباد میں 4 مریض جان سے ہاتھ دھو بیٹھے۔ اب تک 462 ہسپتالوں میں قائم قرنطینہ مراکز مریضوں کا علاج جاری ہے، ان ہسپتالوں میں 7295 بیڈز کا بندوبست کیا گیا ہے۔

Comments are closed, but trackbacks and pingbacks are open.