موٹروے زیادتی کیس کا مفرور مرکزی ملزم عابد ملہی فیصل آباد سے گرفتار

موٹروے زیادتی کیس کا مفرور مرکزی ملزم عابد ملہی فیصل آباد سے گرفتار

مرکزی ملزم کی گرفتاری میں اس کی بیوی کو استعمال کیا گیا

معاون خصوصی شہباز گل کی بھی عابد ملہی کی گرفتاری کی تصدیق

فیصل آباد(ویب ڈیسک ) لاہور موٹروے  زیادتی کیس کا مفرور مرکزی ملزم عابد ملہی فیصل آباد سے گرفتار کرلیا گیا، کیس کا دوسرا ملزم شفقت  پہلے ہی جوڈیشل  ریمانڈ پر جیل میں ہے دونوں ملزمان نے ڈکیتی  کے بعد خاتون سے زیادتی کی تھی ۔ اس کی گرفتاری میں اس کی بیوی کو استعمال کیا گیا ہے۔ پولیس نے عابد کی گرفتاری کے لیے جال بچھایا اور اس کی بیوی کو فون فراہم کیے۔ذرائع کے مطابق عابد نے اہلیہ کو فون پر بتایا کہ وہ فیصل آباد آئے گا جس کے بعد اس کی اہلیہ کو فیصل آباد پہنچایا گیا،  اور جہاں اس کی بیوی کو پہنچایا گیا تھا وہاں پولیس  نے سفید کپڑوں میں  جال بچھایا ہوا تھا جب وہ اپنی بیوی کو ملنے پہنچا تو پولیس نے بڑی حکمت عملی  ، بغیر تشدد اور مزاحمت کے گرفتار کرلیا ۔ ملزم کو  گرفتاری کے بعد لاہور لایا گیا۔ ملزم کو چار دفعہ پکڑنے کی کوشش کی گئی مگر ملزم چالاکی سے پولیس کو ڈاچ کرکے فرار ہوتا رہا بالآخر آج ایک ماہ بعد ملزم کو گرفتار کرلیا گیا ہے۔ معاون خصوصی  شہباز گل نے عابد ملہی کی گرفتاری کی تصدیق کرتے ہوئے کہا ہے کہ ملزم کو قانون کے مطابق سزا ملے گی جبکہ فیاض الحسن نے کہا ہے کہ عابد ملہی سے تفتیش مکمل کرلی گئی ہے پولیس یہ جاننے کی کوشش کررہی  ہے کہ ملزم ایک ماہ کن لوگوں کے پاس رہا کون لوگ ان کے سہولت کار بنے  سہولت کار کی قانون میں 10سال مقرر ہے،واضح رہے کہ 9 ستمبر کو لاہور کے علاقے گجر پورہ میں موٹر وے پر ایک خاتون کو اجتماعی زیادتی کا نشانہ بنایاگیا۔

 

Editor

Next Post

سری نگر میں حریت پسند کمانڈر سیف اللہ سمیت دو کشمیری نوجوان شہید

منگل اکتوبر 13 , 2020
سری نگر میں حریت پسند کمانڈر سیف اللہ سمیت دو کشمیری نوجوان شہید سری نگر کے نواحی علاقے رام باغ کے محاصرے اور تلاشی کے دوران شہادتیں جنوبی کشمیر میں فورسز نے کئی علاقوں کو محاصرے میں لے کر آپریشن شروع کر دیا سری نگر(ویب ڈیسک ) بھارتی فوج نے […]