وزیراعظم نے نوجوانوں کے روزگار کیلئے جاب پورٹل کے قیام کی منظوری دیدی

اسلام آباد (ویب ڈیسک)

وزیراعظم عمران خان نے نوجوانوں کے روزگار کے لیے نیشنل جاب پورٹل کے قیام کی منظوری دے دی ہے۔ پورٹل سے نوجوانوں کو ملک بھر میں ملازمتوں کے مواقع میسر ہوں گے۔

وزیراعظم عمران خان سے معاون خصوصی عثمان ڈار کی ملاقات ہوئی ہے جس میں معاون خصوصی نے کامیاب جوان پروگرام سے متعلق بریفنگ دی ہے، وزیراعظم کو کامیاب جوان پروگرام میں قرضوں کی فراہمی سے متعلق پیش رفت سے آگاہ کیا گیا۔

معاون خصوصی عثمان ڈار نے وزیر اعظم کو نیشنل جاب پورٹل سے متعلق بھی تفصیلی آگاہ کیا۔ ملاقات میں ٹائیگر فورس کے حوالے سے مختلف امور پر بھی مشاورت کی گئی۔ کورونا کی بڑھتی صورتحال کے پیش نظر ٹائیگر فورس کو دوبارہ ذمہ داریاں دینے کا فیصلہ کرتے ہوئے وزیراعظم عمران خان نے کہا کہ نوجوان ملک کا قیمتی اثاثہ ہیں۔ نوجوانوں کو با اختیار بناناپی ٹی آئی حکومت کی اولین ترجیح ہے۔ معاون خصوصی عثمان ڈار کا کہنا تھا کہ وزیراعظم کے ویژن کے مطابق نوجوانوں کے باعزت روزگار کے لیے کوشاں ہیں۔

Editor

Next Post

ماہ ربیع الثانی کا چاند نظر آگیا

پیر نومبر 16 , 2020
کراچی (ویب ڈیسک) مرکزی رویتِ ہلال کمیٹی نے اعلان کیا ہے کہ ربیع الثانی 1442 ہجری کا چاند نظر آگیا ہے، یکم ربیع الثانی منگل 17 نومبر کو ہوگی۔ آج مرکزی رویتِ ہلال کمیٹی پاکستان کا اجلاس مفتی منیب الرحمن کے زیرِ صدارت محکمہ موسمیات  کے دفتر (میٹ کمپلیکس) موسمیات […]