وزیراعظم کے سرکاری اداروں میں بہتری کے اقدامات، پاکستان پوسٹ جدت کی جانب گامزن

اسلام آباد (ویب ڈیسک)

وزیراعظم کی جانب سے سرکاری اداروں میں بہتری کے اقدامات کے ثمرات ملنا شروع ہوگئے، اہم اداروں کی طرح پاکستان پوسٹ بھی جدت کی جانب گامزن ہوگیا ہے۔

تفصیلات کے مطابق پاکستان پوسٹ نے پبلک پرائیوٹ پارٹنر شپ کے زریعے ڈیجیٹل فرنچائزپوسٹ آفسزکا آغاز کردیا ہے، پاکستان پوسٹ نے مزید ایک سو بیس نئے ڈیجیٹل فرنچائز پوسٹ آفسز کھول دئیے جبکہ رواں ماہ کے آخر تک ملک بھر میں ایک ہزار ڈیجیٹل فرنچائز پوسٹ آفس کھول دئیے جائیں گے، پاکستان پوسٹ کو مجموعی طور پر بیس ہزا ر فرنچائز پوسٹ آفسز کی درخواستیں موصول ہوچکی ہیں۔

وزارت مواصلات کے مطابق منصوبے سے ملک بھر میں پاکستان پوسٹ کی فرنچائزز میں اضافہ ہوگا اور عوام کو معیاری اور سستی سہولت بھی نزدیک ترین علاقوں میں دستیاب ہوگی، ڈیجیٹل فرنچائز میں پوسٹل سروسز کے ساتھ فنانشل سروسز بھی مہیا کی جائیں گے۔

وزارت مواصلات کے مطابق پوسٹ آفسز جدید ٹیکنالوجی کا بھی استعمال کریں گے، جدید ٹیکنالوجی کی مدد سے پارسل کے ٹریکنگ کے ساتھ پک اپ کی سروس بھی دستیاب ہوگی، نئےمنصوبے سے تین سال میں ڈھائی لاکھ لوگوں کو براہ راست روزگار ملے گا، ساتھ ہی اس منصوبے سے خسارے کا ادارہ ہمیشہ کے لیے منافع بخش بن جائے گا۔

Editor

Next Post

ریاست کے خلاف بغاوت پر فوری کارروائی کے لیے قانون میں تبدیلی

ہفتہ دسمبر 12 , 2020
اسلام آباد (ویب ڈیسک) حکومت نے  ریاست کے خلاف بغاوت اور بغاوت پر اکسانے پر  فوری کارروائی کے لیے قوانین میں ترمیم کا فیصلہ کیا ہے۔ ایکسپریس نیوز کے مطابق بغاوت اور بغاوت پر اکسانے پر مقدمہ درج کرنے کا اختیار سیکرٹری داخلہ کو تفویض کرنے کا فیصلہ کیا گیا […]