پیڑول کی قیمت برقرار، ہائی اسپیڈ ڈیزل مزید مہنگا

اسلام آباد (ویب ڈیسک)

حکومت نے آئندہ پندہ روز کے لیے پیٹرول اور مٹی کے تیل کی قیمتیں برقرار رکھی ہیں جب کہ ہائی اسپیڈ ڈیزل کی قیمت میں اضافہ کردیا گیا ہے۔

فنانس ڈویژن کے جاری کردہ نوٹی فکیشن میں کہا گیا ہے کہ عوام کو زیادہ سے زیادہ ریلیف فراہم کرنے کے لیے حکومت نے بین الاقوامی مارکیٹ میں ہونے والا پیٹرولیم مصنوعات کی قیمتوں میں اضافہ خود برداشت کرنے کا فیصلہ کیا ہے۔

جاری کردہ اعلامیے کے مطابق پیٹرول، مٹی کے تیل اور لائٹ ڈیزل کی قیمتیں برقرار رہیں گی تاہم عالمی سطح پر غیر معمولی اضافے کے باعث ہائی اسپیڈ ڈیزل کی قیمت میں 4 روپے فی لیٹر اضافہ کیا گیا ہے۔ قیمتوں کا اطلاق یکم دسمبر سے  ہوگا اور یہ نرخ آئندہ 15 روز تک نافذ العمل رہیں گے۔

واضح رہے کہ حکومتی فیصلے کے بعد پیٹرول 100 روپے 69 پیسے ، مٹی کا تیل  65 روپے 29 پیسے، لائٹ ڈیزل کی قیمت 62 روپے 86 پیسے فی لیٹر کی قیمت پر برقرار رہے گی جب کہ ہائی اسپیڈ ڈیزل کی قیمت 4 روپے اضافےکے بعد 105 روپے 43 پیسے ہوجائے گی۔

Editor

Next Post

ایل پی جی کی قیمت میں 2 روپے کلو اضافہ کردیا گیا

منگل دسمبر 1 , 2020
اسلام آباد (ویب ڈیسک) اوگرا نے ماہ دسمبر کے لیے ایل پی جی کی قیمت میں اضافے کا نوٹیفیکیشن جاری کیا، ایل پی جی130روپے سے بڑھا کر 132 روپے فی کلو مقرر، گھریلو سلنڈر 1530 روپے سے بڑھا کر 1553روپے ، کمرشل سلنڈر 5888 روپے سے بڑھاکر5976روپے کر دیا گیا،ایل […]