پی آئی اے ملازمین کی تنخواہوں میں 10 تا 15 فیصد عارضی کمی

لاہور

پی آئی اے انتظامیہ نے ملازمین کو تنخواہوں میں عارضی کمی کے حوالے سے خط لکھ دیا۔

ذرائع کے مطابق سی ای او پی آئی اے ایئر وائس مارشل ارشد علی نے اپنے مراسلے میں لکھا ہے کہ ایئرلائن کی صنعت کو عالمی سطح پر 3 ارب 4 کروڑ روپے کا نقصان اٹھانا پڑا ہے، قومی کیریئر کو کورونا وائرس کی صورتحال کی وجہ سے ہر ماہ تقریباً 6، 6 ارب روپے کا نقصان اٹھانا پڑتا ہے، پی آئی اے نے ملازمین کی تنخواہوں میں عارضی کمی کا اعلان کیا ہے، ملک میں فلائٹ آپریشن دوبارہ شروع ہونے کے ساتھ ہی اصل تنخواہ بحال کر دی جائے گی۔

جن ملازمین کی سالانہ مجموعی تنخواہ ایک لاکھ سے زائد ہے ان کی تنخواہوں میں 10 فیصد کمی کر دی گئی ہے، جن کی تنخواہ 3 لاکھ سے زیادہ ہے انہیں تنخواہ میں 15 فیصد تک کٹوتی کا سامنا کرنا پڑے گا، تنخواہ میں کٹوتی گریڈ 1 تا 4 کے ملازمین پر لاگو نہیں ہوگی، پی آئی اے کے اعلیٰ عہدیداروں نے اپنی تنخواہوں میں رضاکارانہ کٹوتی کا اعلان کیا ہے۔ ابتدائی طور پر پی آئی اے کے چیف آپریٹنگ آفیسر (سی ای او) ارشد ملک نے اپنی تنخواہ میں 20 فیصد کٹوتی کا اعلان کیا ہے۔

Editor

Next Post

سندھ حکومت کا صوبے میں 2 ہفتوں کے لیے سخت لاک ڈاؤن پر غور

جمعرات جون 11 , 2020
کراچی سندھ حکومت نے کورونا کیسز اور اموات کی شرح میں مسلسل اضافے کے باعث ایک بار پھر صوبے میں سخت لاک ڈاؤن پر غور شروع کردیا۔ ذرائع کے مطابق کورونا کیسز اور اموات کی شرح میں مسلسل اضافے اور عالمی ادارہ صحت کی رپورٹ روشنی میں سندھ حکومت 2 […]