کراچی سرکلر ریلوےسفید ہاتھی ، 20 دن میں اخراجات1 کروڑ، آمدن 4 لاکھ

کراچی سرکلر ریلوے، 20 دن میں اخراجات1 کروڑ، آمدن 4 لاکھ

کراچی میں گزشتہ ماہ سے دوبارہ چلنے والی سرکلر ٹرین محکمہ ریلوے کے لیے سفید ہاتھی بن گئی

کراچی(ویب ڈیسک )کراچی میں گزشتہ ماہ سے دوبارہ چلنے والی سرکلر ٹرین محکمہ ریلوے کے لیے سفید ہاتھی بن گئی ہے۔ریلوے کے ذرائع کے مطابق سرکلر ریلوے کی مد میں گزشتہ 20 دنوں میں 1 کروڑ روپے کے اخراجات ہوئے ہیں جبکہ اس سے آمدن 4 لاکھ روپے ہو سکی ہے۔ریلوے ذرائع کا کہنا ہے کہ 20 نومبر تا 10 دسمبر ریلوے کے یومیہ 5 لاکھ روپے سے زائد خرچ ہو رہے ہیں دستاویزات کے مطابق سٹی اسٹیشن سے صبح چلنے والی سرکلر ٹرین میں صرف 30 سے 50 مسافر سفر کرتے ہیں، جبکہ دھابیجی تا سٹی اسٹیشن ٹرین میں 80 سے 150 مسافر سفر کرتے ہیں۔10 دسمبر کو صبح سٹی اسٹیشن تا دھابیجی سرکلر ٹرین میں صرف 55 مسافر سوار تھے، جمعرات کو دھابجی تا سٹی اسٹیشن 110 مسافروں نے سفر کیا، جس کی 3300 روپے آمدنی ہوئی۔ریلوے حکام کے مطابق کراچی سرکلر ٹرین میں بیک وقت 500 مسافر سفر کر سکتے ہیں۔ذرائع نے مزید بتایا کہ سرکلر ریلوے میں چلنے والے انجن، ڈیزل، پاور وین کا یومیہ خرچہ ڈھائی لاکھ روپے ہے۔محکمہ ریلوے کے ذرائع کا یہ بھی کہنا ہے کہ سر کلر ٹرین کا مرمت کا یومیہ خرچہ 2 لاکھ روپے سے زائد ہے۔

 

Editor

Next Post

کسانوں کا مودی سرکار کے سامنے جھکنے سے انکار، 14دسمبر سے بھوک ہڑتال کرنے کا اعلان

اتوار دسمبر 13 , 2020
نئی دہلی (ویب ڈیسک) ریاست اترپردیش کی ہائی ویز کے ٹول پلازوں کا کنٹرول سنبھال لیا ہے اور گاڑیوں سے ٹیکس کی وصولی روک دی  زرعی قوانین کو ختم کرنے کیلئے مزید کتنی قربانیاں دینا ہوں گی، راہل گاندھی نے سوشل میڈیا پر مظاہروں کے دوران 11کسانوں کی ہلاکت کی […]