کورونا مزید 50 زندگیاں نگل گیا، وائرس سے 2 لاکھ 31 ہزار 818 شہری متاثر

لاہور: (دنیا نیوز) پاکستان میں کورونا کے تصدیق شدہ کیسز کی تعداد 2 لاکھ 31 ہزار 818 تک پہنچ گئی جبکہ ایک دن میں 50 افراد جاں بحق ہوگئے جس کے بعد اموات کی تعداد 4 ہزار 762 ہوگئی۔

نیشنل کمانڈ اینڈ آپریشن سینٹر کے تازہ ترین اعدادوشمار کے مطابق گذشتہ 24 گھنٹوں کے دوران 3 ہزار 344 نئے کیسز رپورٹ ہوئے، پنجاب میں 81 ہزار 963، سندھ میں 94 ہزار 528، خیبر پختونخوا میں 28 ہزار 116، بلوچستان میں 10 ہزار 814، گلگت بلتستان میں ایک ہزار 561، اسلام آباد میں 13 ہزار 494 جبکہ آزاد کشمیر میں ایک ہزار 342 کیسز رپورٹ ہوئے۔

ملک بھر میں اب تک 14 لاکھ 20 ہزار 623 افراد کے ٹیسٹ کئے گئے، گذشتہ 24 گھنٹوں کے دوران 22 ہزار 271 نئے ٹیسٹ کئے گئے، اب تک ایک لاکھ 31 ہزار 649 مریض صحتیاب ہوچکے ہیں جبکہ 2 ہزار 406 مریضوں کی حالت تشویشناک ہے۔

پاکستان میں کورونا سے ایک دن میں 50 افراد جاں بحق ہوگئے جس کے بعد وائرس سے مرنے والوں کی تعداد 4 ہزار 762 ہوگئی۔ پنجاب میں ایک ہزار 884، سندھ میں ایک ہزار 526، خیبر پختونخوا میں ایک ہزار 28، اسلام آباد میں 137، بلوچستان میں 123، گلگت بلتستان میں 28 اور آزاد کشمیر میں 36 مریض جان سے ہاتھ دھو بیٹھے۔

 

Editor

Next Post

بھارتی فوج کی نکیال سیکٹر پر بلا اشتعال فائرنگ، 2 بزرگ خواتین سمیت 5 شہری زخمی

پیر جولائی 6 , 2020
راولپنڈی:  بھارتی فوج نے ایک بار پھر کنٹرول لائن پرجنگ بندی معاہدے کی خلاف ورزی کرتے ہوئے سول آبادی پر بلا اشتعال فائرنگ کی، جس کے نتیجے میں 2 بزرگ خواتین سمیت 5 شہری زخمی ہوگئے۔  ڈی جی آئی ایس پی آر میجر جنرل بابر افتخار کی جانب سے سماجی […]