کابینہ ڈویژن نے عمران خان کو بطور وزیراعظم ڈی نوٹیفائی کر دیا کابینہ ڈویژن نے 25 وزرا اور 4 وزرائےمملکت، 4 مشیروں اور 19 معاونین کو بھی ڈی نوٹیفائی کردیا ہے۔

اسمبلیاں تحلیل ہونے کے بعد کابینہ ڈویژن نےعمران خان کو بطور وزیراعظم ڈی نوٹیفائی کر دیا۔

تفصیلات کے مطابق کابینہ ڈویژن نے 25 وزرا اور 4 وزرائےمملکت، 4 مشیروں اور 19 معاونین کو بھی ڈی نوٹیفائی کردیا ہے۔ عمران خان آرٹیکل 224 اے (4) کے تحت وزیراعظم رہیں گے۔ نگراں وزیراعظم کےتقررتک عمران خان وزیراعظم رہیں گے۔ کابینہ ڈویژن کی جانب سےوزیراعظم کوڈی نوٹیفائی کرنا قانونی تقاضا تھا۔ تحریک عدم اعتماد مسترد ہونے پر وزیراعظم عمران خان کی جانب سے صدر مملکت کو اسمبلیاں تحلیل کرنے کی تجویز دی گئی تھی جسے صدر نے منظور کرلیا گیا ہے۔ خیال رہے کہ تحریک عدم اعتماد کے بعد قوم سے خطاب کرتے ہوئے عمران خان نے کہا تھا کہ میں تحریک عدم اعتماد مسترد ہونے پر قوم کو مبارک باد دیتا ہوں، میرے خلاف تحریک عدم اعتماد غیر ملکی ایجنڈا تھا، لوگوں کو پیغام دینا چاہتا ہوں گھبرانا نہیں۔