ملک میں سونے کی فی تولہ قیمت میں کمی
فی تولہ قیمت 400 روپے کم ہوئی
کراچی (ویب نیوز)
ملک میں آج سونے کی فی تولہ قیمت 400 روپے کم ہوئی ہے۔سونے کی فی تولہ قیمت400 روپے کم ہوکر 1 لاکھ 43 ہزار 100 روپے ہے جب کہ دس گرام سونے کا بھا 343 روپیکم ہوکر 1لاکھ22ہزار 685 روپے ہے۔عالمی صرافہ میں سونے کا بھا و14 ڈالر اضافے سے 1791 ڈالر فی اونس ہے۔
پاکستان اسٹاک مارکیٹ میں تیزی، 100 انڈیکس میں 550 سے زائد پوائنٹس کا اضافہ
متعدد عوامل کی وجہ سے مارکیٹ مثبت ردعمل کا اظہار کر رہی ہے ،ماہرین
پاکستان اسٹاک ایکسچینج میں کاروباری ہفتے کے پہلے دن کاروبار میں تیزی دیکھی گئی اور کے ایس ای 100 انڈیکس میں 550 سے زائد پوائنٹس کا اضافہ ہوا۔پی ایس ایکس کی ویب سائٹ کے مطابق بینچ مارک کے ایس ای-100 انڈیکس صبح 10:18 تک 554.29 پوائنٹس یا 1.32 فیصد اضافے کے ساتھ 42ہزار650.53 پوائنٹس پر پہنچ گیا۔انٹر مارکیٹ سیکیورٹیز میں ریسرچ کے سربراہ رضا جعفری نے اسٹاک مارکیٹ میں اضافے کی وجہ متحدہ عرب امارات کی متوقع سرمایہ کاری اور بین الاقوامی مالیاتی فنڈ کے پروگرام کی جلد بحالی کو قرار دیا۔رضا جعفری نے کہا کہ معیشت مستحکم ہو رہی ہے کیونکہ پاکستان آئی ایم ایف پروگرام کے دوبارہ شروع ہونے کے قریب پہنچ رہا ہے، متحدہ عرب امارات سے متوقع سرمایہ کاری کی وجہ سے بھی سرمایہ کاروں کی بالخصوص توانائی کے ذخائر میں دلچسپی پیدا ہو رہی ہے۔گزشتہ ہفتے متحدہ عرب امارات کی سرکاری خبر رساں ایجنسی ڈبلیو اے ایم نے اطلاع دی تھی کہ امارات پاکستان میں مختلف شعبوں میں ایک ارب ڈالر کی سرمایہ کاری کرنے کا ارادہ رکھتا ہے۔ایجنسی نے مزید کہا کہ متحدہ عرب امارات پاکستان کے ساتھ ‘مختلف شعبوں بشمول گیس، توانائی کے بنیادی ڈھانچے، قابل تجدید توانائی، نظام صحت میں تعاون جاری رکھنے کا خواہاں ہے’۔دریں اثنا ابا علی حبیب سیکیورٹیز کے ریسرچ کے سربراہ سلمان نقوی نے کہا کہ آئی ایم ایف کی یقین دہانی، متحدہ عرب امارات کی سرمایہ کاری اور ڈالر کی قدر میں کمی سمیت متعدد عوامل کی وجہ سے مارکیٹ مثبت ردعمل کا اظہار کر رہی ہے۔انہوں نے کہا کہ گزشتہ چند سیشنز کے دوران مارکیٹ مضبوط ہو رہی ہے کیونکہ آئی ایم ایف نے یقین دہانی کرائی ہے کہ پاکستان کو قسطیں مل جائیں گی اور درآمدی بل میں بڑی حد تک کمی آئی ہے جس کی وجہ سے تجارتی خسارہ اور کرنٹ اکانٹ خسارہ کم ہوا ہے۔انہوں نے مزید کہا کہ اس کے علاوہ پاکستان انویسٹمنٹ بانڈز کی پیداوار میں اضافہ ہوا ہے، اس سے یہ واضح ہوتا ہے کہ پاکستان پہلے سے دیولیہ ہونے کے خطرے سے باہر نکل گیا ہے۔سلمان نقوی نے نوٹ کیا کہ 29 جولائی کے بعد سے انٹربینک مارکیٹ میں ڈالر کی قیمت میں 7فیصد کمی واقع ہوئی ہے اور آئی ایم ایف کی قسطوں اور دوست ممالک سے 4 ارب ڈالر کی آمد کے بعد یہ مزید گر سکتا ہے۔انہوں نے مزید کہا کہ اس کے ہماری معیشت پر بہت مثبت اثرات مرتب ہوں گے۔
