داسو ہائیڈرو پاور پراجیکٹ، دریائے سندھ کا رخ موڑ دیا گیا پراجیکٹ سائٹ پر دریائے سندھ قدرتی گزر گاہ کے بجائے ڈائیور شن  ٹنل سے گزر رہا ،ترجمان واپڈا

• سندھ کا رخ موڑنے پر چیئرمین واپڈا سجاد غنی نے پراجیکٹ انتظامیہ کو مبارک باد دی
• دریا کا رخ موڑنے کے بعد عارضی ڈیم پر تعمیراتی سرگرمیاں شروع کر دی گئیں

اسلام آباد (ویب نیوز)

زیر تعمیر داسو ہائیڈرو پاور پراجیکٹ نے اہم سنگِ میل عبور کر لیا، پراجیکٹ سائٹ پر دریائے سندھ کا رخ موڑ دیا گیا۔ترجمان واپڈا کے مطابق پراجیکٹ سائٹ پر دریائے سندھ قدرتی گزر گاہ کے بجائے ڈائیورژن ٹنل سے گزر رہا ہے۔ترجمان کا کہنا ہے کہ دریا کا رخ موڑنے کے موقع پر جنرل منیجر، کنٹریکٹر، کنسلٹنٹس نمائندگان، انجینئرز اور ورکرز موجود تھے۔انہوں نے کہا کہ دریائے سندھ کا رخ موڑنے پر چیئرمین واپڈا سجاد غنی نے پراجیکٹ انتظامیہ کو مبارک باد دی، دریا کا رخ موڑنے کے بعد عارضی ڈیم پر تعمیراتی سرگرمیاں شروع کر دی گئیں۔واپڈا کے ترجمان نے کہا کہ عارضی ڈیم مکمل ہونے پر داسو پراجیکٹ کے مین ڈیم کی تعمیر شروع ہو جائے گی، پراجیکٹ کی زیرِ تعمیر دوسری ڈائیورژن ٹنل بھی اپریل کے وسط تک مکمل ہو جائے گی۔ا نہوںنے کہا کہ ہائی فلو سیزن کے دوران دریائے سندھ کا پانی دونوں ڈائیورژن ٹنل سے گزرے گا، 4 ہزار 320 میگاواٹ کا داسو ہائیڈرو پاور پراجیکٹ دو مراحل میں مکمل کیا جا رہا ہے۔ترجمان نے یہ بھی کہا ہے کہ منصوبے کے پہلے مرحلے سے بجلی کی پیداوار 2026 میں شیڈول ہے۔