دو ٹیلی کام کمپنیوں نے 3500سمز بلاک کر دیں
ریٹرن فائل کرنے والے شہریوں کی سمز فوری بحال ہوں گی، ترجمان ایف بی آر
#/H
آئٹم نمبر…24
اسلام آباد(صباح نیوز)دو ٹیلی کام کمپنیوں نے تقریبا 3500سمز بلاک کر دیں۔ فیڈرل بورڈ آف ریونیو کے ترجمان کے مطابق ایک ٹیلی کام کمپنی نے اسلام آباد ہائی کورٹ سے امتناع لے لیا تھا۔ ترجمان ایف بی آر کا کہنا ہے کہ ریٹرن فائل کرنے والے شہریوں کی سمز فوری بحال ہوں گی۔ گزشتہ ہفتے اسلام آباد ہائی کورٹ نے ٹیکس نان فائلرز کی موبائل سمز بلاک کرنے کے کیس میں ریمارکس دئیے تھے کہ سمز بلاک کرنے سے نہیں، صرف نجی کمپنی کے خلاف کارروائی سے روکا تھا۔ واضح رہے کہ ملک بھر میں نان فائلرز کی سمیں بلاک کرنے کے معاملے پر فیڈرل بورڈ آف ریونیو (ایف بی آر)اور ٹیلی کام آپریٹرز کے درمیان اتفاق ہوا ہے جس کے تحت 10 مئی سے نان فائلرز کی سمیں بلاک کرنے کا سلسلہ شروع کر دیا گیا تھا۔
