سندھ طاس معاہدہ معطل نہیں کیا جا سکتا،معاہدے کو معطل کرنے کا کوئی طریقہ کار موجود نہیں۔ صدر عالمی بینک اجے بنگا کی دوٹوک الفاظ میں
سندھ طاس معاہدے میں معطلی کی کوئی شق موجود نہیں اور نہ ہی بینک کا کردار ثالث کا ہے بلکہ محض ایک سہولت کار کے طور پر طے کیا گیا ہے صدر عالمی بنگ ka میڈیا انٹرویو
سندھ طاس معاہدہ معطل نہیں ہوا، بھارت نے عمل درآمد روک دیا ہے، معاہدہ ختم کرنے یا اس میں کسی قسم کی تبدیلی کے لیے دونوں فریقین، پاکستان اور بھارت، کی باہمی رضامندی لازم ہے
واشنگٹن ( ما نیٹرنگ ڈیسک )
عالمی بینک نے واضح کر دیا ہے کہ سندھ طاس معاہدہ معطل نہیں کیا جا سکتا،معاہدے کو معطل کرنے کا کوئی طریقہ کار موجود نہیں۔ عالمی بینک کے صدر اجے بنگا نے دوٹوک الفاظ میں کہا ہے کہ سندھ طاس معاہدے میں معطلی کی کوئی شق موجود نہیں اور نہ ہی بینک کا کردار ثالث کا ہے بلکہ محض ایک سہولت کار کے طور پر طے کیا گیا ہے۔ہم صرف اختلافات دورکرنے کیلئے ماہرین کی خدمات حاصل کرسکتے ہیں،میڈیا رپورٹس کے مطابق ایک میڈیا انٹرویو میں عالمی بینک کے صدر نے زور دیتے ہوئے کہا کہ سندھ طاس معاہدہ معطل نہیں ہوا، بھارت نے عمل درآمد روک دیا ہے،یہ بحث بے معنی ہے کہ بینک اس تنازع کو کیسے حل کرے گا، کیونکہ معاہدہ ختم کرنے یا اس میں کسی قسم کی تبدیلی کے لیے دونوں فریقین، پاکستان اور بھارت، کی باہمی رضامندی لازم ہے۔انہوں نے کہا کہ سندھ طاس معاہدہ ایک بین الاقوامی قانونی دستاویز ہے جس کی خلاف ورزی نہ صرف علاقائی بلکہ عالمی سطح پر بھی منفی اثرات مرتب کر سکتی ہے۔
