ٹیکس نظام میں اصلاحات لا رہے ہیں، پالیسی ریٹ میں نمایاں کمی سے معیشت پرمثبت اثرات ہوئے، ایف بی آر میں انسانی مداخلت کم ہونےسے شفافیت آئے گی۔ ٹیکنالوجی ٹرانسفارمیشن کی جانب جارہےہیں
اسلام آباد : ( ما نیٹرنگ ڈیسک )
وفاقی وزیر خزانہ محمد اورنگزیب نے کہا ہے کہ پاکستان میں معاشی استحکام آ چکا ہے اور دنیا پاکستان کی معاشی بہتری کی رفتار پرحیران ہے، پاکستان میکرواکنامک استحکام کی جانب گامزن ہے، تنخواہ دار طبقے پر بوجھ کم کر رہے ہیں۔
وفاقی وزیر خزانہ نے بتایا کہ پاکستان نے آئی ایم ایف کے تمام اہداف پورے کئے، اگر پاکستان اہداف پورے نہ کرتا تو مشکل پیش آتی، آئی ایم ایف پروگرام پر عمل جاری رکھیں گے، آئی ایم ایف کے ساتھ تعمیری بات چیت ہوئی اور مشن واپس جا چکا ہے، پاکستان کو آئی ایم ایف کی مکمل سپورٹ حاصل ہے، رواں ہفتے ورچوئل بات چیت جاری رہے گی۔
محمد اورنگزیب نے واضح کیا کہ سول اور ملٹری تنخواہوں کے حوالے سے ابھی کوئی فیصلہ نہیں ہوا، آج دنیا پاکستان کی معاشی کارکردگی کی معترف ہے، حکومت معاشی ترقی کا مستحکم حل چاہتی ہے، معاشی ترقی کیلئے ٹرانسفارمیشن ضروری ہے، حکومت طویل المدتی اصلاحات کیلئے پرعزم ہے۔
انہوں نے بتایا کہ ٹیکس نظام اور توانائی سمیت دیگر شعبوں میں اصلاحات لائی جا رہی ہیں، انرجی سیکٹر میں بھی اصلاحات ہو رہی ہیں، پاکستان میں معاشی استحکام آچکا ہے اور دنیا پاکستان کی معاشی بہتری کا اعتراف کر رہی ہے۔
تقریب کے اختتام پر وزیر خزانہ محمد اورنگزیب نے کہا کہ واشنگٹن اور لندن میں سرمایہ کاروں سے ملاقاتوں میں معیشت بارے مثبت ردعمل آیا ہے۔
