الیکشن کمیشن ،عمر ایوب کی نااہلی کیلئے دائر ریفرنس سماعت کیلئے مقرر
ریفرنس پر سماعت 4 جون کو ہوگی، عمر ایوب کو نوٹس بھجوا دیا گیا
اسلام آباد( ویب نیوز )
الیکشن کمیشن آف پاکستان نے قومی اسمبلی میں اپوزیشن لیڈر عمر ایوب کی نااہلی کیلئے دائر ریفرنس سماعت کیلئے مقرر کر دی۔الیکشن کمیشن کی جانب سے عمر ایوب کو نوٹس بھجوا دیا گیا، قومی اسمبلی میں اپوزیشن لیڈر کے خلاف ریفرنس پر سماعت 4 جون کو ہوگی۔اسپیکر قومی اسمبلی ایاز صادق نے عمرایوب کیخلاف ریفرنس الیکشن کمیشن کو بھجوایا تھا، عمر ایوب کے خلاف ریفرنس این اے 18 ہری پور سے ن لیگ کے امیدوار بابر نواز خان نے دائر کی تھی۔ ریفرنس آئین کے آرٹیکل 62 اور 63 کیتحت دائر کیا گیا ہے۔
