زرداری شہباز ملاقات، سیاسی اور سیکیورٹی صورتحال پر تبادلہ خیال ملاقات میں یوسف رضا گیلانی، اسپیکر قومی اسمبلی سردار ایاز صادق، چوہدری سالک حسین، اعظم نذیر تارڑ، بھی موجودتھے۔

صدرِ آصف زرداری سے شہباز شریف کی ملاقات، ملک کی مجموعی سیاسی اور سیکیورٹی صورتحال پر تبادلہ خیال

دہشتگردوں اور ان کے سہولت کاروں کے خلاف دہشتگردی کے مکمل خاتمے تک کارروائیاں جاری رہیں گی، صدر، وزیراعظم کا اتفاق

اسلام آباد ( ویب  نیوز) صدرِ مملکت آصف علی زرداری سے وزیراعظم محمد شہباز شریف کی ایوانِ صدر میں ملاقات ہوئی۔ ملاقات میں ملک کی مجموعی سیاسی اور سیکیورٹی صورتحال پر تبادلہ خیال کیا گیا۔ صدرِ مملکت اور وزیراعظم نے دہشتگردی کے حالیہ واقعات کی شدید مذمت کی۔ دونوں قائدین نے اس عزم کا اعادہ کہ غیر ملکی پشت پناہی یافتہ دہشتگردوں اور ان کے سہولت کاروں کے خلاف کارروائیاں دہشتگردی کے مکمل خاتمے تک جاری رہیں گی۔ ملاقات میں چیئرمین سینیٹ سید یوسف رضا گیلانی، اسپیکر قومی اسمبلی سردار ایاز صادق، وفاقی وزرا سید محسن رضا نقوی، چوہدری سالک حسین، اعظم نذیر تارڑ، خالد حسین مگسی اور عبدالعلیم خان بھی موجودتھے۔