27ویں ترمیم یکطرفہ ہوئی، آئین کومتنازع بنانے سے گریزکرنا چاہیے، فضل الرحمان
پیس کیپنگ فورس کے حوالے سے پاکستان قعطی یہ غلطی نہ کرے، ہمیں عالمی سطح پرمتنازعہ نہیں بننا چاہیے، پریس کانفرنس
فیلڈ مارشل ملک میں معیشت کو بہتر کرنے کی کوشش کر رہے ہیں، کامران ٹیسوری
گورنر سندھ نے مولانا فضل الرحمان کو پی ایچ ڈی کی اعزازی ڈگری پیش کی
کراچی (ویب نیوز)
جمعیت علمائے اسلام(جے یو آئی ف)کے سربراہ مولانا فضل الرحمان نے کہا ہے کہ گورنرسندھ کا دعوت دینے پر شکر گزار ہوں۔ دنیا جانتی ہے27 ویں ترمیم یکطرفہ ہوئی ہے،ہمیں آئین کو متنازع بنانے سے گریزکرنا چاہیے۔ شہرِقائد میں گورنر کامران ٹیسوری کے ہمراہ پریس کانفرنس کرتے ہوئے مولانا فضل الرحمان نے کہا کہ سیاسی رائیجو بھی ہو مگرایک دوسرے کوعزت دینا روایات کا حصہ ہے، جس کو بچانے کی آج ہم بڑی جدوجہد کررہے ہیں، میں مولوی کہلانا ہی پسند کروں گا۔ سربراہ جے یو آئی ف کا کہنا تھا کہ ہمیں 70سال کی افغان پالیسی کوڈسکس کرنا چاہیے، ہمیں اپنی افغان پالیسی پربھی غورکرنا چاہیے، ہمیں اپنے گریبان میں جھانکنا چاہیے کہیں ہماری اپنی توناکامی نہیں، آئین کہتا ہے قانون سازی قرآن وسنت کے مطابق ہوگی۔ مولانا فضل الرحمان نے کہا کہ اٹھارہ سال سے کم عمرشادی، گھریلوتشدد کے حوالے سے اسلام کے منافی قانون سازی ہوئی، دینی مدارس بھی ایک ادارہ ہے،ہم سب چیزوں میں پیچھے جا رہے ہیں، اگر ٹاپ رینکنگ میں ہیں تو دینی مدارس کے حوالے سے ہیں۔ اُن کا کہنا تھا کہ دفاعی اداروں کیحوالیسیہماری پوزیشن مضبوط ہوئی ہے، ہم اس تسلسل کودیکھنا چاہتے ہیں، ہمیں پارلیمنٹ کی سپرمیسی کی طرف جانا چاہیے، عوام کیووٹ کیحق کوتسلیم کرنا چاہیے۔ سربراہ جے یو آئی ف نے کہا کہ ملک میں یکساں نصاب سے متعلق بات ہو سکتی ہے، پیس کیپنگ فورس کے حوالے سے پاکستان قعطی یہ غلطی نہ کرے، ہمیں عالمی سطح پرمتنازعہ نہیں بننا چاہیے، مولانا فضل الرحمان کا کہنا تھا کہ مہاجرین کوہمیں مہمان کیطورپرڈیل کرنا چاہیے، افغانستان اورپاکستان کیدرمیان دوطرفہ مسئلہ ہے۔ اُنہوں نے کہا کہ پاکستان کوکسی ایسی فورس کا حصہ نہیں بننا چاہییجس کا نشانہ فلسطینی ہوں، دونوں طرف تجارت بند ہونے سے عوام کومشکلات کا سامنا کرنا پڑتا ہے، 26ویں ترمیم اتفاق رائے سے ہوئی اس کو آج متنازع بنانے کی کوشش کی جا رہی ہے۔ سربراہ جے یو آئی کا کہنا تھا کہ اگر کوئی ابہام ہیتو عدالت جائیں اور وہاں سے وضاحت لیں، دنیا جانتی ہے27ویں ترمیم یکطرفہ ہوئی ہے،ہمیں آئین کومتنازع بنانیسیگریزکرنا چاہیے۔ گورنر سندھ کامران ٹیسوری نے کہا کہ مولانا فضل الرحمان کا آمد پرشکرگزارہوں، چیف آف ڈیفینس فورسز پاکستان کی سالمیت کیلییکام کررہیہیں، آج میں نیمولانا فضل الرحمان کے لیے اپنے ہاتھ سے حلیم بنائی امید ہے انہیں پسند آئے گی۔ کامران ٹیسوری کا کہنا تھا گورنر ہائوس میں آج اہم دن ہے مولانا فضل الرحمٰن نے ہمیں عزت بخشی ہے، اُنہیں پی ایچ ڈی کی ڈگری دی ہے ہم آج سے اِنہیں ڈاکٹر کہہ سکتے ہیں۔ اُنہوں نے کہا کہ مولانا فضل الرحمٰن کا دنیا میں ایک مقام ہے، دینی طبقہ اپنے اُصولوں پر کھڑا ہے، آج پاکستان نے بھارت کو شکست دے کر برابری رکھی، پاکستان میں دہشتگردی ہے جو افغانستان سے ہو رہی ہے، افغانستان اور افغانیوں کو بھائی سمجھا اور اُن کی ہر مدد کی ہے۔ گورنر سندھ کا کہنا تھا کہ بھارت کے پاکستان میں افغانستان سے دہشت گردی کے پائوں ملتے ہیں، جو دہشتگردی چل رہی ہے، افغانستان کو اس کو بھی رد کریں، ہم سب اس امید کے ساتھ کہ جب پاکستان کی سالمیت کا مسئلہ ہوگا تو دینی طبقہ اپنا اہم کردار ادا کرے گا۔ کامران ٹیسوری نے کہا کہ سیاست کرنے کا وقت ہے جس طرح بھارت نے جارحیت کی مسجد کو شہید کیا اس کا بدلہ لیا، فیلڈ مارشل ملک میں معیشت کو بہتر کرنے کی کوشش کر رہے ہیں۔ جمعیت علما اسلام (جے یو آئی) کے سربراہ مولانا فضل الرحمان کو سرسید یونیورسٹی کراچی کی جانب سے پی ایچ ڈی کی اعزازی ڈگری عطا کردی گئی۔ گورنر سندھ کامران ٹیسوری نے سربراہ جے یو آئی مولانا فضل الرحمان کو پی ایچ ڈی کی اعزازی ڈگری پیش کی۔
