پارٹی اسیران سے اظہار یکجہتی کے لیے ان کے گھروں پر جا رہے ہیں، سہیل آفریدی
میری ذمے داری ہے کہ اسٹریٹ موومنٹ چلائوں، یہ تحریک بھرپور انداز میں چلائیں گے، لاہور میں میڈیا سے گفتگو
لاہور (ویب نیوز)
وزیر اعلی خیبر پختونخوا سہیل آفریدی کا کہنا ہے کہ وہ پارٹی اسیران سے اظہار یکجہتی کے لیے ان کے گھروں پر جا رہے ہیں۔ لاہور میں میڈیا سے گفتگو کرتے ہوئے سہیل آفریدی نے کہا کہ حکومت کے ساتھ ڈائیلاگ کی ذمے داری تحریک تحفظ آئین کی ہے، میری ذمے داری ہے کہ اسٹریٹ موومنٹ چلائوں، یہ تحریک بھرپور انداز میں چلائیں گے۔ وزیر اعلی خیبر پختونخوا لاہور میں پارٹی کے اسیر رہنما شاہ محمود قریشی، یاسمین راشد اور اعجاز چوہدری کے گھر پہنچے۔ سہیل آفریدی نے شاہ محمود قریشی کے بیٹے زین قریشی اور بیٹی مہر بانو قریشی سے ملاقات بھی کی۔سہیل آفریدی نے شاہ محمود قریشی کے اہلخانہ سے ملاقات کے بعد گفتگوکرتے ہوئے کہا کہ یہ میرا پاکستان ہے مجھے کہیں بھی جانے کے لئے کسی جواز کی ضرورت نہیں، نہ مجھے اپنے لیڈر سے نہ کوٹ لکھپت میں اسیران سے ملنے دے رہے ہیں۔
