پمز ہسپتال میں عمران خان کی آنکھ کا تیسرا پروسیس مکمل، بینائی تسلی بخش قرار
اسلام آباد ( ویب نیوز)
بانی پی ٹی آئی کی آنکھ کا پمز ہسپتال میں تیسرا پروسیس مکمل کرلیا گیا جہاں ہسپتال انتظامیہ نے ان کی بینائی تسلی بخش قرار دے دی۔
پمز انتظامیہ کے مطابق بانی پی ٹی آئی عمران خان کو ان کی رضامندی سے پمز ہسپتال لایا گیا جہاں انہیں تیسرا اینٹی وی جے ایف انجیکشن لگایا گیا، بانی پی ٹی آئی کو ان کی رضامندی سے پمز ہسپتال میں انجیکشن لگایا گیا۔
انتظامیہ نے مزید بتایا کہ آپریشن تھیٹر میں تمام احتیاطی تدابیر اور پروٹوکولز پر عمل کیا گیا، بانی پی ٹی آئی کو انجیکشن کے بعد ہسپتال سے فارغ کر دیا گیا، میڈیکل بورڈ نے بانی پی ٹی آئی کی بینائی کو تسلی بخش قرار دے دیا۔
