عمران خان کی بیک وقت 8 مقدمات میں ضمانتوں کی درخواستیں سماعت کیلئے مقرر
2 رکنی بنچ کی جانب سے بطور اعتراضی درخواستوں پر سماعت کی جائے گی
لاہور (ویب نیوز) بانی پی ٹی آئی عمران خان کی 9 مئی کے 8 مقدمات میں ضمانتوں کی درخواستیں سماعت کے لیے مقرر ہوگئی ہیں۔چیف جسٹس لاہور ہائیکورٹ کی سربراہی میں 2 رکنی بنچ 13 جنوری کو بانی پی ٹی آئی کی 9 مئی کے 8 مقدمات میں ضمانتوں کی 8 درخواستوں پر سماعت سماعت کرے گا۔ 2 رکنی بنچ کی جانب سے بطور اعتراضی درخواستوں پر سماعت کی جائے گی۔ واضح رہے کہ آج ہی بانی پی ٹی آئی نے 9 مئی کے 8 مقدمات میں ضمانت کے لیے لاہور ہائیکورٹ سے رجوع کیا تھا۔درخواست میں عمران خان نے مؤقف اپنایا تھا کہ 9 مئی والے دن اسلام آباد میں نیب کی تحویل میں تھا۔ سیاسی انتقام کے لیے سازش کا الزام لگا کر مقدمات میں نامزد کیا گیا ہے۔بانی پی ٹی آئی کے مطابق 2 سال سے مقدمات کا سامنا کر رہا ہوں، انتقامی کارروائی کی جا رہی ہے۔ عمران خان نے درخواست میں استدعا کی تھی کہ لاہور ہائیکورٹ 8 مقدمات میں ضمانت منظور کر کے رہائی کا حکم دے۔ واضح رہے لاہور کی انسداد دہشتگردی کی عدالت نے بانی پی ٹی آئی کی ضمانت کی آٹھ درخواستیں مسترد کردی تھیں،عمران خان پر لاہور میں نو مئی کے کل 12 مقدمات درج ہیں جبکہ چار مقدمات میں ضمانتیں منظور ہو چکی ہیں۔
بانی پاکستان تحریک انصاف نے 9 مئی کے 8 مقدمات میں ضمانت کے لئے لاہور ہائیکورٹ سے رجوع کر لیا۔ بانی پی ٹی آئی نے جناح ہائوس حملہ کیس سمیت دیگر مقدمات میں درخواست ضمانت دائر کی، انہوں نے وکیل کے ذریعے موقف اختیار کیا کہ 9 مئی والے دن اسلام آباد میں نیب کی تحویل میں تھا۔عدالت عالیہ میں دائر درخواست میں کہا گیا کہ مجھے سیاسی انتقام کے لیے سازش کا الزام کا لگا مقدمات میں نامزد کیا گیا ۔ان کے وکیل نے موقف اپنایا کہ بانی پی ٹی آئی 2 سال سے مقدمات کا سامنا کر رہے ہیں، انتقامی کاروائی کی جا رہی ہے۔درخواست میں استدا کی گئی ہے کہ لاہور ہائیکورٹ 8 مقدمات میں ضمانت منظور کر کے رہائی کا حکم دے۔
