کراچی (سٹاف رپورٹ)
پی آئی اے کیبن کریو کے لیے آئندہ کسی بھی فلایٹ سے قبل میڈیکل ٹیسٹ لازمی قرار دے دیا گیا، کیبن کریو کے سانس کا معائنہ بریفنگ رومز میں پی آئی اے کے فلائٹ سرجنز اور میڈیکل آفیسر خود کریں گے۔پی آئی اے کے فضائی میزبانوں کے لئے نئے احکامات جاری کر دیئے ہیں۔ آئندہ فلائٹ سے پہلے پی آئی اے کے تمام فضائی میزبانوں کے میڈیکل ٹیسٹ کو لازمی قرار دے دیا گیا ۔احکامات کے مطابق کیبن کریو کیلئے اندرون و بیرون ملک سفر سے پہلے سانس کا معائنہ لازم قرار دیا گیا ہے، معاینہ بریفنگ رومز میں پی آئی اے کے فلائٹ سرجنز اور میڈیکل آفیسر خود کریں گے۔ پی آئی اے میڈیکل ڈویژن کی کیبن کریو کیلئے جاری نئی ایڈوائزری فوری طور پر نافذ العمل ہوگی۔
