وزیر منصوبہ بندی کا نیشنل یوتھ کونسل کے ممبرز کی تقریب حلف برداری سے خطاب
اسلام آباد (ویب ڈیسک)
وفاقی وزیر ترقی و منصوبہ بندی اسد عمر نے کہا ہے کہ کورونا وائرس کی وجہ سے عید پر سمارٹ لاک ڈائون کی طرف جا سکتے ہیں۔ انہوںنے نیشنل یوتھ کونسل کے ممبرز کی تقریب حلف برداری سے خطاب کرتے ہوئے کہا کہ ہم عید پر پابندیاں نہیں لگانا چاہتے اور نہ ہی ملک گیر لاک ڈائون کی طرف جائیں گے۔انہوں نے کہا کہ اسلام آباد ہی نہیں بلکہ پورے ملک میں کورونا کیسز بڑھ رہے ہیں۔ ملک میں بڑھتے کیسز پر آج وزیر اعظم عمران خان کو بریفنگ دیں گے۔اسد عمر نے کہا کہ میرٹ کا خیال رکھنا تحریک انصاف کا بنیادی اصول ہے اور یوتھ کونسل میں وفاقی اکائیوں کو نمائندگی دی گئی ہے۔ نوجوانوں کی تعلیم، ملازمت اور ان کو مصروف رکھنا ہے اور پاکستان ان ممالک میں شامل ہے جہاں نوجوانوں کی تعداد زیادہ ہے۔ انہوں نے کہا کہ نیشنل کمانڈ اینڈ کنٹرول آپریشن (این سی او سی) کا کورونا کی متوقع چوتھی لہر سے متعلق اجلاس ہوا۔ ملک میں رواں ماہ کورونا کیسز میں اضافہ ہوا۔آزاد کشمیر انتخابات پر بات کرتے ہوئے وفاقی وزیر نے کہا کہ آزاد کشمیر الیکشن کمیشن کو ایس او پیز کی خلاف ورزیوں پر خط بھیجا ہے۔
