بھارت میں کورونا متاثرین کی مجموعی تعداد 3کروڑ24 لاکھ؟ہلاکتیں 4لاکھ 35 ہزارسے تجاوز
نئی دہلی( ویب نیوز ) بھارت میں گزشتہ 24 گھنٹوں کے دوران کورونا وائرس وبا سے متاثرہ 39 ہزار سے زائد مریض صحت مند ہو ئے جس کے سبب ایکٹیو کیسز کی شرح ایک فیصد سے نیچے آ گئی ہے۔ گذشتہ روز ملک میں 63 لاکھ 85 ہزار 298 افراد کو کورونا کی ویکسین دی گئی اور اب تک 58 کروڑ 89 لاکھ 97 ہزار 805 افراد کو ویکسین دی جا چکی ہے۔منگل کی صبح مرکزی وزارت صحت کی طرف سے
جاری کردہ تازہ ترین اعداد و شمار کے مطابق گزشتہ 24 گھنٹوں میں کورونا کے 25539 نئے کیسز کی رپورٹ کے ساتھ متاثرہ افراد کی مجموعی تعداد 3 کروڑ 24 لاکھ 74 ہزار 773 ہو گئی ہے۔ اس دوران 39 ہزار 486 مریضوں کی صحت یابی کے بعد اس وبا کو شکست دینے والے افراد کی کل تعداد تین کروڑ 17 لاکھ 20 ہزار 112 ہو گئی ہے۔اسی عرصے میں فعال کیسز 14،373 سے گھٹ کر تین لاکھ 19 ہزار 551 رہ گئے ہیں۔ اسی مدت میں 354 مریضوں کی موت کے باعث ہلاکتوں کی تعداد بڑھ کر چار لاکھ 35 ہزار 110 ہو گئی ہے۔ملک میں کورونا وائرس کے ایکٹیو کیسز کی شرح گھٹ کر 0.98 فیصد ،شفایا بی کی شرح بڑھ کر 97.68 فیصد اور اموات کی شرح 1.34 فیصد ہے
