اسلام آباد (ویب ڈیسک)
ہائر ایجوکیشن کمیشن(ایچ ای سی)کے چیئرمین ڈاکٹر طارق بنوری سے اختیارات لے کر ایگزیکٹو ڈائریکٹر ایچ ای سی ڈاکٹر شائستہ سہیل کو چیئرمین کے اختیارات دینے کا نوٹیفکیشن جاری کردیا گیا ہے۔ ایچ ای سی کے اسسٹنٹ ڈائریکٹر ایچ آر ایم امجد حسین شاہ کے جاری کردہ نوٹیفکیشن کے مطابق وفاقی سیکرٹری، وفاقی تعلیم اور پیشہ ورانہ تربیت کی وزارت کی طرف سے پیش کی گئی ایک قرارداد کے نتیجے میں کمیشن کے تمام اراکین کو سرکولیشن کے ذریعے کمیشن کا ممبر ہونے اور اس کے نتیجے میں 21 میں سے 14 ممبران کی توثیق کی ہے اور ڈاکٹر شائستہ سہیل، ایگزیکٹو ڈائریکٹر ایچ ای سی کو نئی چیئرپرسن ایچ ای سی کی تقرری تک کام جاری رکھنے کی اجازت دی گئی ہے۔نوٹیفکیشن میں کہا گیا ہے کہ ڈاکٹر شائستہ سہیل چیئرپرسن ایچ ای سی کے پہلے سونپے گئے اختیارات کا استعمال کریں گی تاکہ شفافیت، مشاورتی عمل کے فروغ، ہموار اور موثر عملدرآمد کو یقینی بنایا جا سکے۔ کمیشن کے تمام احکامات، فیصلے، ہدایات اور پالیسیاں کمیشن کی اصل روح کے مطابق ہوں گی جیسا کہ آرڈیننس میں درج ہے۔
