ضمیر بیچنے والے ارکان اسمبلی کو کوئی روک نہیں سکتا،شاہ محمود قریشی اپوزیشن کا نہ جھنڈا ایک، نہ نظریہ اورنہ ہی ایجنڈا ایک ہے،دیکھنا ہے عدم اعتماد کا اونٹ کس کروٹ بیٹھتا ہے

پیپلزپارٹی جمہوریت کی علمبردار بن کر جمہوریت کو نقصان پہنچارہی ہے،بلاول ابھی بچہ اور ناسمجھ ہے

میری نظرمیں چودھری برادران بڑے وضع دار ہیں وہ مناسب وقت پر درست فیصلہ کریں گے، ایم کیو ایم ہمارے محترم اتحادی ہیں، وزیر خارجہ

اسلام آباد (ویب ڈیسک)

وزیرخارجہ شاہ محمود قریشی نے کہاہے کہ ضمیر بیچنے والے ارکان اسمبلی کو کوئی روک نہیں سکتا،پیپلزپارٹی جمہوریت کی علمبردار بن کر جمہوریت کو نقصان پہنچارہی ہے،بلاول ابھی بچہ اور ناسمجھ ہے۔اپنے ایک بیان میں شاہ محمود قریشی نے کہا کہ اپوزیشن کا نہ جھنڈا ایک، نہ نظریہ اورنہ ہی ایجنڈا ایک ہے۔ اپوزیشن کا ایک نکاتی ایجنڈا صرف وزیراعظم عمران خان کو ہٹانا ہے۔انہوں نے کہا کہ ضمیربیچنے والے ارکان اسمبلی کوکوئی نہیں روک سکتا۔ ہر منتخب نمائندے کو ووٹرز کا احساس ہوتا ہے۔ ہر منتخب نمائندہ محترم ہے وہ لاکھوں لوگوں کی نمائندگی کرتا ہے۔شاہ محمود قریشی نے مزید کہا کہ جتنا نقصان جمہوریت کو آج ہورہاہے تاریخ میں کبھی نہیں ہوا۔پیپلزپارٹی جمہوریت کی علمبردار بن کر جمہوریت کو نقصان پہنچارہی ہے۔ بلاول ابھی بچہ ہے اور ناسمجھ ہے۔وزیرخارجہ نے کہا کہ دیکھنا ہے عدم اعتماد کا اونٹ کس کروٹ بیٹھتا ہے۔ میری نظرمیں چودھری برادران بڑے وضع دار ہیں وہ مناسب وقت پر درست فیصلہ کریں گے۔شاہ محمود قریشی کا کہنا تھا وزیراعظم اپنے اتحادیوں سمیت سب سے ملاقاتیں کررہے ہیں۔ایم کیو ایم ہمارے محترم اتحادی ہیں۔پچھلے ساڑھے تین سال سے وہ ہمارا بھرپور ساتھ دیتے آ رہے ہیں ان کا شکریہ ادا کرتا ہوں۔