آئی ایم ایف پاکستان …مذاکرات کا کوئی نتیجہ نہیں نکل سکا سیکریٹری خزانہ کے دورہ امریکا میں اسٹاف لیول معاہدے کیلئے اہم پیشرفت نہ ہوسکی

• واشنگٹن میں سائیڈ لائن میٹنگزحتمی نتیجہ پرنہ پہنچ سکیں اور سعودی عرب، یواے ای کی یقین دہانیاں ناکافی ثابت ہوئیں،ذرائع

اسلام آباد (ویب نیوز)

بین الاقوامی مالیاتی فنڈ(آئی ایم ایف)اور پاکستان کے درمیان مذاکرات جاری ہیں مگر تاحال نتیجہ کوئی نہیں نکل سکا، سیکریٹری خزانہ کے حالیہ دورہ امریکا میں اسٹاف لیول معاہدے کیلئے اہم پیشرفت نہ ہوسکی ہے۔ذرائع کا کہنا ہے کہ آئی ایم ایف نے معاہدے کیلئے تاحال تاریخ نہیں دی ہے جبکہ وزارت خزانہ نے کہا کہ آئی ایم ایف نے شرائط پوری کرنے کا مطالبہ کیا ہے۔حکام کے مطابق واشنگٹن میں سائیڈ لائن میٹنگزحتمی نتیجہ پرنہ پہنچ سکیں اور سعودی عرب، یواے ای کی یقین دہانیاں ناکافی ثابت ہوئی ہیں۔ذرائع نے بتایا کہ مزید ایک ارب ڈالر کا کمرشل بینکس سے فنانسنگ کا پلان دینا پڑا ہے اور آئی ایم ایف کوسستا پٹرول اسکیم پر تفصیلی بریف کیا گیا مگر آئی ایم ایف نے تاحال سستا پٹرول اسکیم دینے کی اسکیم پر رضامندی کا اظہار نہیں کیا۔