سندھ ہائیکورٹ کا اعلیٰ پولیس حکام کو لاپتہ افراد کے کیسز خود دیکھنے کا حکم عدالت نے پولیس تحقیقات پر برہمی کا اظہار کرتے ہوئے رپورٹس مسترد کردیں

• عدالت نے چیف سیکرٹری، سیکریٹری داخلہ، آئی جی سندھ کو نوٹس جاری کردیئے

کراچی (ویب نیوز)

سندھ ہائیکورٹ نے اعلیٰ پولیس حکام کو لاپتہ افراد کے کیسز خود دیکھنے کا حکم دیتے ہوئے کہا کہ محکمہ دفاع اور داخلہ کے سیکریٹریز آئندہ سماعت پر رپورٹس پیش کریں۔جمعہ کو لاپتہ افراد کی بازیابی سے متعلق درخواستوں کی سماعت ہوئی جہاں عدالت نے پولیس تحقیقات پر برہمی کا اظہار کرتے ہوئے پولیس رپورٹس مسترد کردیں۔عدالت نے اعلی پولیس حکام کو لاپتہ کیسز خود دیکھنے کا حکم دیتے ہوئے چیف سیکرٹری، سیکریٹری داخلہ، آئی جی سندھ کو نوٹس جاری کردیئے۔