سیاست کیلئے جھوٹ نہیں بولتا،عوام کی خوشحالی کا خواب لے کرآرہے ہیں : نوازشریف
اپنے دور میں آئی ایم ایف کو خدا حافظ کہہ دیا تھا
قوم کو دھوکا دیں اور توقع کریں کہ اللہ معاف کرے گا تو ایسا نہیں ، مری میں پارٹی تنظیم سے خطاب
مری( ویب نیوز)
مسلم لیگ ن کے قائد میاں محمد نوازشریف نے کہا ہے کہ سیاست کیلئے جھوٹ نہیں بولتا، ہم عوام کی خوشحالی کا خواب لے کرپھر آرہے ہیں۔ اپنے دور میں آئی ایم ایف کو خدا حافظ کہہ دیا تھا ،امریکا کے پانچ ارب ڈالر کی پیشکش کے باوجود ایٹمی دھماکے کئے،مسلم لیگ ن کے قائد میاں نوازشریف نے مری میں پارٹی تنظیم سے خطاب کرتے ہوئے کہا کہ یہاں کے بھائیوں سے بہت پرانا رشتہ ہے، یہ میرا دوسرا گھر ہے، اور میرا یہاں سے رشتہ بہت مضبوط ہے۔ آج یہاں پارٹی کارکنوں سے ملاقات کرکے خوشی ہو رہی ہے۔ مری میرا دوسرا گھر ہے، بچپن سے پسند ہے۔ مری کا حسن واپس آنا چاہیے، یہاں ترقیاتی کام ہونے چاہییں۔انہوں نے کہا کہ اسلام آباد سے مری تک بہت خوبصورت سڑک بنی ہے۔ انہوں نے کہا کہ مجھے باربار نکالاگیا، جناب ایسے ملک نہیں چلتا اس طرح تو ایک گھر نہیں چلتا،ملک کیسے چلے گا؟ ہم نے ماضی سے کچھ نہیں سیکھا اس لئے یہ حال ہے، تین مرتبہ وزیراعظم بن چکا ہوں عہدے کا لالچ نہیں، ہمارے بعد کی حکومت نے سب کچھ تباہ کردیا۔میاں نوازشریف نے کہا کہ سیاست کیلئے جھوٹ نہیں بولتا ، لوگوں کو دھوکا دے کر ووٹ لوں اور کچھ نہ کروں ، تو مجھ سے بڑا ظالم کوئی نہیں ہوگا، ہمارے دور کے بعد آنیوالی حکومت نے کلچر کو تباہ کردیا۔ان کاکہنا تھا کہ اپنے دور میں آئی ایم ایف کو خدا حافظ کہہ دیا تھا ،امریکا کے پانچ ارب ڈالر کی پیشکش کے باوجود ایٹمی دھماکے کئے،اپنے بیٹے سے تنخواہ نہ لینے پر فارغ کردیا گیا، ترقی کرتی معیشت تباہ وبرباد کردی گئی اور حسد،بغض ،منافقت کو فروغ دیا گیا۔سابق وزیراعظم کا کہنا تھا کہ ہمارے دور میں بجلی کی لوڈ شیڈنگ ختم ہوگئی تھی، ہم نے دن رات محنت کرکے منصوبے مکمل کیے، اور 11 ہزار میگا واٹ بجلی سسٹم میں شامل کی، ملک میں کوئلے کے بڑے ذخائر ہیں، استعمال نہ کیے تو کوئلے کے ذخائر کا کیا فائدہ، ہمارے دور میں پہلی بار کوئلے پر کام شروع ہوا، اور ہم نے وہاں سے بجلی پیدا کی، اب بھی اس کوئلے سے ہزاروں لاکھوں میگا واٹ بجلی بن سکتی ہے۔ انہوں نے مزید کہا کہ اس ملک پر تلواروں سے وار کیا گیا،مجھے نکالنے کاسبب یہ تھا کہ اس کو لانا تھا،ہنستے بستے ملک کو ہم نے اپنے ہاتھوں سے اجاڑا ہے،دکھ ہے کہ ہم نے سبق نہیں سیکھا، دعا ہے اللہ قوم کی تقدیربدل دے،قائد مسلم لیگ ن نے مزید کہا کہ 50 سال سے سن رہا تھا کہ سندھ میں کوئلے کی کانیں ہیں۔ ہم نے سندھ میں کوئلے کی کانوں میں کام شروع کیا اور اس سے بجلی کی پیداوار شروع کی۔ میں سیاست کے لیے جھوٹ نہیں بولتا۔ 20، 20 سال کے نامکمل منصوبے ہم نے مکمل کیے۔ ہم نے کوئلہ نکالنا شروع کیا، بجلی کا کارخانہ لگایا۔ کوئلے سے ہزاروں میگاواٹ بجلی بنا سکتے ہیں۔انہوں نے مزید کہا کہ ہم نے پاکستان کو ڈیفالٹ ہونے سے بچایا۔ پاکستان گرے لسٹ میں تھا، ہم وائٹ لسٹ میں لے کر آئے۔ ہم نے آئی ایم ایف کے ساتھ پروگرام ختم کیا۔ گزشتہ دور حکومت میں ملک میں تباہی پھیر دی گئی۔ ہم نے کسی ملک سے پیسہ نہیں مانگا۔نواز شریف نے کہا کہ قوم کو دھوکا دیں اور توقع کریں کہ اللہ معاف کرے گا تو ایسا نہیں ہے۔ حکومت میں آنے کے لیے جھوٹ نہیں بولنا چاہیے۔ جھوٹ بول کر ووٹ لو اور پھر کچھ نہ کروں تو پھر اللہ کو بھی جواب دینا ہے۔ جو بات کہیں سوچ سمجھ کر کہیں اور پھر اس کو پورا کریں۔انہوں نے کہا کہ ہمارے دور میں بھارت کے 2 وزرائے اعظم پاکستان آئے۔ ہم نے کسی ملک سے پیسہ نہیں مانگا۔ امریکا سے 5 ارب ڈالر کی آفر ٹھکرائی اور ایٹمی دھماکے کیے۔نوازشریف نے کہا کہ لوگوں نے پاکستان کے ساتھ بہت ظلم کیا ۔ دو ہزار سترہ میں ملک پر تلواروں اور کلہاڑیوں سے وار کیا گیا۔ مجھے اور مریم کو جیل میں رکھ کر اسے الیکشن جتوایا گیا۔ الیکشن میں دھاندلی کرکے اسے پاور میں لایا گیا۔ بیٹے سے تنخواہ نہ لینے پر نکالنے کا سبب اسے حکومت دینی تھی۔ان کا کہنا تھا کہ سنہ 1993 میں فارغ،1999 میں فارغ، 2017میں فارغ کیا گیا، بابا،اس طرح ملک نہیں چلتے،اس طرح ایک گھر نہیں چلتا۔۔
