تربت میں سی ٹی ڈی کا آپریشن،4 دہشت گرد ہلاک
دہشت گردوں کے قبضے سے اسلحہ و گولہ بارود قبضے میں لے لیا گیا
ہلاک دہشتگرد فورسز اور شہریوں پر حملوں میں ملوث تھے،ترجمان سی ٹی ڈی
تربت ( ویب نیوز)
بلوچستان کے ضلع تربت میںپسنی روڈ پر محکمہ انسداد دہشت(سی ٹی ڈی)نے ٹارگٹڈ آپریشن کرکے 4دہشتگرد ہلاک کردئیے۔ترجمان سی ٹی ڈی کے مطابق جمعرات کو تربت کے قریب پسنی روڈ بانک بس ٹرمینل کے قریب 7/8 مسلح دہشت گردوں کے ساتھ جھڑپ ہوئی، فائرنگ کے تبادلے میں کالعدم تنظیم سے تعلق رکھنے والے چار دہشت گرد مارے گئے۔ ترجمان کے مطابق واقعے کی اطلاع ملتے ہی پولیس اور ایف سی اہلکار موقع پر پہنچ گئے، ہلاک دہشت گردوں کے قبضے سے بھاری تعداد میں اسلحہ و گولہ بارود جس میں دو کلاشنکوفیں، ایک پستول دستی بم، موٹر سائیکل پر نصب دیسی ساختہ بم دو موٹر سائیکلیں اور دیگر سامان برآمد کرلیا گیا ہے۔ ترجمان سی ٹی ڈی کے مطابق دہشت گردوں نے دستی بم بھی پھینکے اور آر پی جی بھی فائر کیا، تاہم سی ٹی ڈی عملہ محفوظ رہا، سی ٹی ڈی حکام نے چاروں لاشیں قانونی کاروائی اور شناخت کے لئے ٹیچنگ اسپتال تربت پہنچا دئیے اور مزید کاروائی شروع کردی۔ ہلاک دہشتگرد فورسز اور شہریوں پر حملوں میں ملوث تھے۔ مارے گئے دہشت گردوں کی تربت لاشیں اسپتال منتقل کردی گئیں۔
