جنوبی وزیرستان، دہشتگردوں کا چیک پوسٹ پر حملہ ، 8دہشتگرد ہلاک، 16 جوان شہیدہوگئے کلیئرنس آپریشن کیا جارہا ہے، اس گھنائونے فعل کے مرتکب افراد کو انصاف کے کٹہرے میں لایا جائے گا،آئی ایس پی آر

جنوبی وزیرستان، سیکیورٹی فورسز نے دہشتگردوں کا چیک پوسٹ پر حملہ ناکام بنا دیا ، 8دہشتگرد ہلاک، 16 جوان شہیدہوگئے
علاقے میں کلیئرنس آپریشن کیا جارہا ہے، اس گھنائونے فعل کے مرتکب افراد کو انصاف کے کٹہرے میں لایا جائے گا،آئی ایس پی آر

جنوبی وزیرستان ( ویب  نیوز)

سیکیورٹی فورسز نے خیبرپختونخوا کے ضلع جنوبی وزیرستان میں فتنہ الخوارج کے ایک گروپ کی جانب سے سیکیورٹی چیک پوسٹ پر حملے کو ناکام بناتے ہوئے 8 دہشتگردوں کو ہلاک کردیا۔  پاک فوج کے شعبہ تعلقات عامہ کے مطابق جنوبی وزیرستان کے علاقے میں قائم سیکیورٹی چیک پوسٹ پر حملے کے دوران فائرنگ کے تبادلے میں 16جوان شہید ہوگئے۔ آئی ایس پی آر کے مطابق علاقے میں کلیئرنس آپریشن کیا جارہا ہے، اس گھنائونے فعل کے مرتکب افراد کو انصاف کے کٹہرے میں لایا جائے گا۔ فوج کے شعبہ تعلقات عامہ نے بتایا کہ سیکیورٹی فورسز دہشت گردی کی لعنت کو ختم کرنے کے لیے پرعزم ہیں اور ہمارے بہادر جوانوں کی ایسی قربانیاں ہمارے عزم کو مزید مضبوط کرتی ہیں۔