آئندہ اجلاس میں گالی، گلوچ، نعرے بازی نہیں ہوگی، وزیراعلیٰ پنجاب اور اپوزیشن لیڈر کی اسمبلی میں تقریرکے دوران بھی کوئی نعرے بازی نہیں ہوگی،
ایتھیکس کمیٹی کوفعال کیا جائےگا، ہراجلاس کے بعد ایتھیکس کمیٹی رولزکی خلاف ورزی کےمعاملے کو دیکھے گی، اپوزیشن نے ارکان کی بحالی کا کوئی مطالبہ نہیں کیا۔
صوبائی وزیر مجتبیٰ شجاع الرحمان نے میڈیا سے گفتگو کرتے ہوئے کہا کہ آج مذاکراتی کمیٹی کا تیسرا اجلاس تھا اور آج کا اجلاس نیتجہ خیزرہا، اپوزیشن کےساتھ ہمارا اتفاق رائے ہوا ہے۔
انہوں نے کہا کہ آئندہ اجلاس میں گالی، گلوچ، نعرے بازی نہیں ہوگی، اپوزیشن لیڈرجب اسمبلی میں بات کریں گے کوئی نعرے بازی نہیں ہوگی، وزیراعلیٰ پنجاب کی تقریرکے دوران بھی کوئی نعرے بازی نہیں ہوگی، بزنس ایڈوائزری کے مطابق ہی ایوان کوچلایا جائےگا۔
مجتبیٰ شجاع الرحمان نے کہا کہ ایتھیکس کمیٹی کوفعال کیا جائےگا، ہراجلاس کے بعد ایتھیکس کمیٹی رولزکی خلاف ورزی کےمعاملے کو دیکھے گی، اپوزیشن نے ارکان کی بحالی کا کوئی مطالبہ نہیں کیا۔
انہوں نے کہا کہ اپوزیشن ارکان کی معطلی والا معاملہ اسپیکردیکھیں گے، اپوزیشن کے 26 ممبران سینیٹ الیکشن میں ووٹ ڈال سکتے ہیں، سپیکرپنجاب اسمبلی آج کی میٹنگ میں آن لائن شریک تھے، بیرون ملک سے آکر سپیکرپنجاب اسمبلی اپنی رولنگ دیں گے۔
اس موقع پر سپیکر پنجاب اسمبلی نے آڈیو لنک سے خطاب کرتے ہوئے کہا کہ ووٹ کا حق کسی صورت کسی سے نہیں چھینا جا سکتا، آپ سب کا مشکور ہوں آپ نے مذاکرات میں حصہ لیا، احتجاج اپوزیشن کا حق ہے مگر آئین کے مطابق ہو، مزاکرات کامیاب ہونے پر سب کو مبارکباد دیتا ہوں۔
