پرائیویٹ اسکیم کے تحت عازمین کے حج سے محروم رہ جانے کا خدشہ
وزارت مذہبی امور کا سست بکنگ پر تشویش کا اظہار ،پرائیویٹ آپریٹرز کوخط لکھ دیا
سات روز میں صرف 1800 حج درخواستیں جمع ہو سکیں
اسلام آباد(ویب نیوز)
پرائیویٹ اسکیم کے تحت عازمین کے حج سے محروم رہ جانے کا خدشہ ،وزارت مذہبی امور نے سست بکنگ پر تشویش کا اظہار کر دیا۔ سات روز میں صرف 1800 حج درخواستیں جمع ہو سکیں۔اس خبررساں ادارے کے مطابق وزارت مذہبی امور نے حج بکنگ فوری تیز کرنے کی پرائیویٹ آپریٹرز کو تحریری ہدایت جاری کردی۔ وزارت مذہبی امور کا پرائیویٹ آپریٹرز کے نام لکھا گیا خط میں کہاگیاہے کہ پرائیویٹ آپریٹرز کو 19 ستمبر کو حج بکنگ کی اجازت دی گئی تھی۔ وزارت مذہبی امورپالیسی کے تحت پرائیویٹ حج کی بکنگ کی آخری تاریخ 17 اکتوبر ہے۔عازمین حج کی مکمل فہرست 22 اکتوبر تک فراہم کرنا لازم ہے۔ وزارت مذہبی امور واجبات کی بروقت ادائیگی یقینی بنانے کے لیے بھی اقدامات کیے جائیں۔ وزارت مذہبی امور نے رواں برس پرائیویٹ آپریٹرز کا کوٹہ 90 ہزار سے کم کر کے 60 ہزار کر دیا ہے۔گزشتہ برس 67 ہزار پرائیویٹ پاکستانی عازمین حج سے محروم رہ گئے تھے۔ ذرائع کے مطابق پرائیویٹ آپریٹرز گزشتہ برس حج سے محروم 22 ہزار97 عازمین کو بھی حج پر بھجوائیں گے۔پرائیویٹ آپریٹرز 37903 کے حج کوٹے پر بکنگ کر رہے ہیں۔36100پرائیویٹ عازمین حج کی بکنگ کی جانی ابھی باقی ہے۔ سات روز میں صرف 1800 حج درخواستیں جمع ہو سکیں۔
