پشاور۔۔شہباز شریف کے چار سالہ دور حکومت میں دوسری دفعہ گندم بحران ہے ، مشیر خزانہ خیبرپختونخوا مزمل اسلم
پشاور(ویب نیوز)
وزیراعلی خیبرپختونخوا کے مشیر برائے خزانہ مزمل اسلم نے ملکی معیشت، زراعت اور گندم سے متعلق اہم بیان جاری کرتے ہوئے کہا ہے کہ رواں سال پاکستان بھر میں ٹریکٹر فروخت پچھلے 20 سالوں سے کم ریکارڈ ہوئی ہے پنجاب و سندھ زراعت کا گڑھ تھے ان کو کس حال تک پہنچایا گیا۔ مزمل اسلم نے کہا کہ ملک کی 60 فیصد آبادی زراعت سے منسلک ہے۔ مشیر خزانہ خیبرپختونخوا نے کہا کہ مریم نواز نے جو اپنی تصویر والے ٹریکٹر دئیے انکا کیا بنا اور اپنی تصویر والے کسان کارڈ بھی منظر سے غائب ہے کوئی فائدہ نہیں دیا گیا۔ مزمل اسلم نے کہا کہ ملک میں کسان کے منہ کا نوالہ چھین لیا گیا اور مڈل مین کے ہاتھوں ملک میں تاریخ کی بلند ترین گندم کی قیمتیں ہوگء ہیں۔ ملک میں گندم کی قیمت 5 ہزار پر پہنچ گئی مجال ہے کہ حکومت کا دھیان اس طرف ہو۔ مزمل اسلم نے کہا کہ حکومت اپنی نجی محفلوں میں مگن ہیں اور شہباز شریف کے چار سالہ دور حکومت میں دوسری دفعہ گندم بحران ہے دوسری طرف ونڈر بوئے کا شوشا چھوڑ کر ان لاڈلوں کی بد انتظامی چھپائی جارہی ہے۔
