پاک افغان سرحد پر دراندازی کی کوشش ناکام ،54 دہشت گرد ہلاک
صدر، وزیر اعظم ، وزیر اطلاعات و داخلہ اوروزیر اعلی سندھ کی فورسز کو مبارکباد
راولپنڈی ( ویب نیوز)
سیکیورٹی فورسز نے پاک افغان سرحد سے خوارجیوں کی دراندازی کی کوشش ناکام بناتے ہوئے 54 دہشت گردوں کو ہلاک کردیا۔انٹرسروسز پبلک ریلیشنز ( آئی ایس پی آر ) کے مطابق خوارجیوں نے شمالی وزیرستان کیعلاقے حسن خیل سیدراندازی کی کوشش کی جسے ناکام بنادیا گیا۔آئی ایس پی آر کے مطابق سیکیورٹی فورسز نے بروقت کارروائی کرتے ہوئے 54 خوارج ہلاک کردیے، ہلاک خوارجیوں سے اسلحہ اور دھماکہ خیز مواد برآمد ہوا ہے۔ صدر آصف علی زرداری ، وزیر اعظم شہباز شریف ، وزیر اطلاعات عطا تارڑ وفاقی وزیرداخلہ محسن نقوی ،اور وزیر اعلی سندھ مراد علی شاہ نے
پاک افغان سرحد سے خوارجیوں کی دراندازی کی کوشش ناکام بناتے ہوئے 54 دہشت گردوں کو ہلاک کرنے پر مبارکباد دی ہے وفاقی وزیرداخلہ محسن نقوینے پریس کانفرنس کرتے ہوئے کہا کہ آج ہمارے لیے بڑا دن ہے، سیکیورٹی فورسز کو اس حملے کی بروقت اطلاع مل گئی تھی اور فورسز خوارجیوں کی دراندازی سے برقت آگاہ ہوگئیں تھی جس کے بعد حکمت عملی کے تحت انہیں تین اطراف سے گھیر کر 54 خوارجیوں کو ہلاک کیا گیا، یہ اب تک جہنم رسید ہونے والے خوارجیوں کی سب سے بڑی تعداد ہے۔انہوں نے کہا کہ ہمارے پاس یہ معلومات کچھ دن سے تھیں کہ ان کے بیرونی آقا ان پر زور ڈال رہے تھے کہ یہ جلدازجلد پاکستان میں گھسیں اور وہاں کوئی ( دہشت گردانہ )سرگرمی انجام دیں، انہی معلومات کی بنیاد پر سرحدوں پر نگرانی اور چیکنگ سخت کردی گئی تھی اور اسی دوران ان خوارجیوں کی نشان دہی ہوگئی۔وفاقی وزیرداخلہ نے مزید کہا کہ اللہ تعالی کا شکر ہے کہ بھارت جو بھی قدم اٹھارہا ہے وہ کہیں نہ کہیں پکڑا جارہا ہے یا انٹرسیپٹ ہورہا ہے، فتنہ خوارج پر بھی وہیں ( بھارت ) سے زور ڈالا جارہا تھا کہ پاکستان میں داخل ہوکر دہشت گردی کریں۔انہوں نے کہا کہ آئی ایس پی آر نے جو تصاویر شیئر کیں ہیں ان میں ان 54 دہشت گردوں کی لاشیں پڑی ہوئی دیکھی جاسکتی ہیں، اور یہ دنیا کے لیے بہت بڑا ثبوت ہے کہ کوئی تو ان دہشت گردوں کی پشت پناہی کررہا ہے، ان کا کوئی تو مقصد ہے، اور آج اس واقعے کے بعد ہم اور زیادہ پریقین ہوگئے ہیں پاکستان کو کس کی وجہ سے نقصان پہنچ رہا ہے۔وفاقی وزیرداخلہ نے کہا اس آپریشن کے لیے ہماری تمام سیکیورٹی فورسز کریڈٹ کی حقدار ہیں۔وزیراعلی سندھ مراد علی شاہ نے پاک افغان سرحد پر دراندازی ناکام بنانے پر فورسز کو مبارکباد دی ہے ۔ وزیراعلی کا 54 خارجی ہلاک کرنے پر سیکیورٹی فورسز کو خراج تحسین پیش کیا ہے اور کہا ہے کہ فوج کے بہادر جوان وطن عزیز کی طرف بڑھنے والے ہر قدم کو روک رہے ہیں، پاک وطن کے بہادر جوانوں کی قربانیوں سے ملک محفوظ ہے، یکیورٹی فوسز کی بہادری اور جذبے کو سلام پیش کرتے ہیں، پوری قوم سیکیورٹی فورسز کی پشت پر کھڑی ہے،
