آئی ایم ایف کی پاکستان میں مہنگائی کی شرح سنگل ڈیجٹ میں رہنے کی پیشگوئی
مالی سال 2025-26میں اوسط مہنگائی 7.7فیصد جبکہ 2026-27 ء میں 6.5فیصد رہنے کی توقع ہے
اسلام آ باد( ویب نیوز)
عالمی مالیاتی ادارہ (آئی ایم ایف) نے پاکستان میں مسلسل 6سال اوسط مہنگائی سنگل ڈیجٹ میں رہنے کی پیشگوئی کردی ہے جبکہ رواں مالی سال مہنگائی کی شرح حکومتی ہدف سے کہیں کم رہنے کا تخمینہ لگایا گیا ہے۔آئی ایم ایف نے پاکستان میں مسلسل 6 سال اوسط مہنگائی سنگل ڈیجٹ میں رہنے کی پیشگوئی کر دی ہے اور آئی ایم ایف نے رواں مالی سال مہنگائی 12 فیصد کے حکومتی ہدف کے مقابلے میں صرف 5.1 فیصد رہنے کا تخمینہ ظاہر کیا ہے۔آئی ایم ایف کو رواں مالی سال پاکستان میں مہنگائی سنگل ڈیجٹ میں 5.1 فیصد رہنے کی توقع ہے جبکہ رواں مالی سال کے لیے حکومت نے اوسط مہنگائی کا ہدف ڈبل ڈیجٹ میں 12 فیصد مقرر کر رکھا ہے۔اسی طرح پاکستان میں مالی سال 2025-26میں اوسط مہنگائی 7.7فیصد رہنے کا امکان ہے جبکہ مالی سال 2026-27 ئ کے لیے پاکستان میں اوسط مہنگائی کا تخمینہ 6.5فیصد ہے۔آئی ایم ایف نے مالی سال 2027-28ء سے 2029-30 ئ تک اوسط مہنگائی 6.5فیصد رہنے کی پیشگوئی کی ہے۔اس حوالے سے آئی ایم ایف کا کہنا تھا کہ گزشتہ مالی سال 2023-24 ء پاکستان میں اوسط مہنگائی 23.4 فیصد تھی جبکہ مالی سال 2022-23 ء میں پاکستان میں اوسط مہنگائی کی شرح 29.2فیصد تھی۔رواں مالی سال کے پہلے 10 ماہ کے حوالے سے کہا گیا کہ دوران اوسط مہنگائی 4.73 فیصد رہی ہے۔
