اسلام آباد (ویب ڈیسک)
ملک بھر میں مزید ایک ہزار 895 افراد میں کورونا کی تشخیص ہوئی ہے جب کہ 39 افراد زندگی کی بازی ہار گئے ہیں۔
نیشنل کمانڈ اینڈ آپریشن سینٹر کی جانب سے جاری اعداد و شمار کے مطابق ملک بھرمیں 24 گھنٹے کے دوران مجموعی طور پر 30 ہزار 139 کوویڈ 19 ٹیسٹ کئے گئے۔ اس طرح اس وبا کی تشخیص کے لئے ہونے والے ٹیسٹس کی تعداد 68 لاکھ 49 ہزار 867 ہوگئی ہے۔
پاکستان میں مزید ایک ہزار 895 افراد متاثر ہو گئے ہیں جس کے بعد متاثرہ افراد کی کل تعداد 4 لاکھ 88 ہزار 529 ہو گئی ہے۔ ملک بھر میں کورونا مثبت کیسزکی شرح 5.92 فیصد ہوگئی ہے۔
این سی او سی کے مطابق سندھ میں اب تک 2 لاکھ 18 ہزار 597 افراد میں کورونا کے مصدقہ کیسز سامنے آچکے ہیں۔ پنجاب میں ایک لاکھ 40 ہزار 714، خیبر پختونخوا میں 59 ہزار 484، اسلام آباد میں 38 ہزار 263، بلوچستان میں 18 ہزار 247، آزاد کشمیر میں 8 ہزار 357 اور گلگت بلتستان میں کورونا کے مثبت کیسز کی تعداد 4 ہزار 867 ہوگئی ہے۔
سرکاری اعداد و شمار کے مطابق گزشتہ 24 گھنٹوں کے دوران ملک بھر میں ایک ہزار 797 افراد نے کورونا کو شکست دے دی ہے، جس کے بعد اس وبا سے صحت یاب ہونے والے مریضوں کی تعداد 4 لاکھ 42 ہزار 457 ہوگئی ہے۔
گزشتہ 24 گھنٹوں کے دوران ملک میں کورونا کے 39 مصدقہ مریض جاں بحق ہوگئے ہیں، جس کے بعد اس وبا سے لقمہ اجل بننے والے افراد کی تعداد 10 ہزار 350 ہوگئی ہے۔
سندھ میں کورونا کے مریضوں کی تعداد سب سے زیادہ ہے لیکن اس وبا سے سب سے زیادہ جانی نقصان پنجاب میں ہوا ہے، جہاں 4 ہزار 124 افراد جان کی بازی ہار چکے ہیں، سندھ میں 3 ہزار 611، خیبر پختونخوا میں ایک ہزار 675، اسلام آباد میں 428، گلگت بلتستان میں 101، بلوچستان میں 185 اور آزاد کشمیر میں 226 افراد جان کی بازی ہار چکے ہیں۔
این سی او سی کے مطابق اس وقت ملک بھر میں کورونا کے فعال مریضوں کی تعداد 35 ہزار 722 ہے، جن میں سے 2 ہزار 242 کی حالت تشویشناک ہے۔
